खेड(प्रतिनिधी) तालुक्यातील घाणेखुंट-गवळवाडी येथे सुरू असलेल्या नवीन इमारतीच्या बांधकामावर पाणी मारत असताना मोटर पंपच्या विद्युतभारित तारेच्या स्पर्शाने गणेश हरिचंद्र उतेकर (४० रा. धामणंद-पायरवाडी) या तरुणाचा मृत्यू झाल्याची घटना सोमवारी सकाळी ९ वाजण्याच्या सुमारास घडली. या दुर्घटनेने ऐन शिमगोत्सवात उतेकर कुटुंबियांवर दुःखाचा डोंगर कोसळला आहे.
गणेश हा तरुण घाणेखुंट येथे सुरू असलेल्या नवीन इमारत बांधकामावर पाणी मारण्याचे काम करत होता. या कामासाठी पाण्याची मोटर चालू केली. मोटरच्या तारेचा स्पर्श झाल्याने तो जागीच गतप्राण झाला. ही बाब सहकाऱ्यांच्या निदर्शनास आल्यानंतर लोटे पोलीस दूरक्षेत्रास कळवण्यात पोलिसांनी घटनास्थळी आले. पंचनामा केला. याप्रकरणी येथील पोलीस ठाण्यात आकस्मिक मृत्यूची नोंद करण्यात आली आहे
