रत्नागिरी ः प्रतिनिधी
घाटीवळे फाटा येथे झालेल्या अपघातात गंभिर जखमी झालेल्या प्रौढाचा उपचारांदरम्यान कोल्हापूर येथील सीपीआर रुग्णालयात मृत्यू झाला.याप्रकरणी देवरुख पोलिस ठाण्यात आकस्मिक मृत्यूची नोंद करण्यात आली आहे.
विलास गोविंद जाधव (52,रा.घाटिवळे संगमेश्वर,रत्नागिरी) असे उपचारांदरम्यान मृत्यू झालेल्या प्रौढाचे नाव आहे.21 मे रोजी रात्री 9.30 वा.विलास जाधव यांचा घाटिवळे फाटा येथे अपघात झाला होता.अपघातात जखमी झाल्याने त्यांना प्रथम जिल्हा शासकिय रुग्णालयात दाखल करण्यात आले होते.त्यानंतर परकार हॉस्पिटल येथे दाखल करुन अधिक उपचारांसाठी 22 मे रोजी मध्यरात्री 3.15 वा.कोल्हापूर येथील लाईफ लाईन हॉस्पिटल येथे जाधव यांना दाखल करण्यात आले होते.त्यानंतर 23 मे रोजी त्यांना पुढील उपचारासाठी सीपीआर येथे दाखल करण्यात आले असता तेथील वैद्यकिय अधिकार्‍यांनी विलास जाधव यांना तपासून मृत घोषित केले.
