सावंतवाडी तालुका भंडारी मंडळाचे आयोजन
सावंतवाडी । प्रतिनिधी :
सावंतवाडी तालुका भंडारी मंडळातर्फे
१४ व १५ जानेवारी रोजी भव्य जिल्हास्तरीय भंडारी चषक क्रिकेट स्पर्धेचे आयोजन करण्यात आले आहे. स्पर्धेतील विजेत्यास २५ हजार रुपये तर उपविजेत्यास १५ हजाराचे पारितोषिक देण्यात येणार आहे. स्पर्धा ७ षटकांची राहणार आहे. स्पर्धेत खेळणारा खळाडू हा भंडारी ज्ञातीतील असणे आवश्यक आहे. प्रत्येक तालुक्यातून जास्तीत जास्त दोन संघ सहभागी होऊ शकतात. सावंतवाडी जिमखान मैदानावर हा स्पर्धेचा थरार रंगणार आहे.
सहभागी होणाऱया तालुक्यातील भंडारी मंडळाच्या संघानी १४ खेळाडूंच्या आपला संघ निश्चित करून २५ डिसेंबरपूर्वी सावंतवाडी तालुका भंडारी मंडळाकडे पाठवावा, असे आवाहन सावंतवाडी तालुका मंडळाचे अध्यक्ष जगदीश मांजरेकर व कार्याध्यक्ष प्रा. दिलीप गोडकर यांनी केले आहे. जिल्हा भंडारी महासंघाचे अध्यक्ष रमण वायंगणकर यांच्या अध्यक्षतेखाली झालेल्या तालुका मंडारी मंडळाच्या बैठकीत नुकतेच या स्पर्धेचे नियोजन करण्यात आले आहे.
Sindhudurg
