बसस्थानकातून धावल्या १२ जादा गाड्या,
खेड(प्रतिनिधी) येथील एसटी आगारातून १५ एप्रिल ते १५ जून या कालावधीत उन्हाळी सुट्टी हंगामासाठी सोडण्यात आलेल्या १२ जादा गाड्यांतून आगाराला ९९ लाख
२० हजार ६३२ रूपयांचे उत्पन्न प्राप्त झाले. साडेबारा लाख प्रवाशांनी प्रवास केला असून यामध्ये महिला सन्मान योजनेचे निम्मे प्रवासी माहिती सूत्रांकडून मिळाली.
सुरक्षित प्रवासासाठी ओळखल्या जाणाऱ्या एसटीला उन्हाळी सुट्टी हंगामात प्रवाशांचा उत्स्फूर्त प्रतिसाद
मिळाला. आगारप्रमुख दीपक चव्हाण यांच्या
मार्गदर्शनाखाली बसस्थानकप्रमुख नंदकुमार जाधव
यांच्यासह चालक-वाहक, कार्यशाळेचे कर्मचारी व अधिकारी यांनी घेतलेल्या मेहनतीमुळे उन्हाळी सुट्टी हंगामात ग्रामीणसह लांबपल्ल्याच्या मार्गावरील
बसफेऱ्या नियोजनबद्ध धावल्या. बसस्थानकातून
लांबपल्ल्याच्या मार्गावर धावणाऱ्या नियमित बसफेऱ्यांसह तुळशी मार्गे बोरीवली, विरार, शिर्डी, भांडूप, विठ्ठलवाडी, मुंबई, ठाणे, पुणे, नालासोपारा आदी मार्गांवर १२ जादा गाड्या सोडण्यात आल्या. या
ज्यादा गाड्यांनी एप्रिलच्या शेवटच्या पंधरवड्यात २ लाख ९७ हजार ६४ प्रवाशांना घेवून ४९७१८ कि.मी.चे अंतर कापले. यातून १३ लाख ३७ हजार ७२७ रूपयांचे उत्पन्न मिळाले.
मे महिन्यात ६ लाख ७८ हजार ९२० प्रवाशांनी जादा फेऱ्यांमधून प्रवास केला. यासाठी ज्यादा गाड्या
१,६७,९६० कि.मी. धावल्या. यातून ५९ लाख ७० हजार १२० रूपयांचे वाहतूक उत्पन्न प्राप्त झाले. तर जूनच्या पहिल्या पंधरवड्यात धावलेल्या जादा
गाड्यांनी २ लाख ७१ हजार ४३३ प्रवाशांना घेवून ५९९७४ कि.मी. अंतर पार केले. यामधून २६ लाख १२ हजार ७८५ रूपयांचे उत्पन्न प्राप्त झाले. यामध्ये सर्वाधिक लाभ महिला सन्मान योजनेच्या महिला प्रवाशांना मिळाला असून सुमारे ६ लाख २० हजार
लाभार्थ्यांनी प्रवास केला.
