तर उपाध्यक्षपदी बाळासाहेबांची शिवसेना पक्षाचे रघुनाथ रेडकर
निवड बिनविरोध : पदाधिकाऱ्यांकडून शुभेच्छा
सावंतवाडी । प्रतिनिधी : सावंतवाडी तालुका खरेदी-विक्री संघाच्या चेअरमन व व्हाईस चेअरमनपदाची निवडणूक बुधवारी पार पडली. यात चेअरमनपदी भाजपचे प्रमोद गावडे तर व्हाईस चेअरमन पदासाठी बाळासाहेबांची शिवसेना पक्षाचे रघुनाथ उर्फ राजन रेडकर यांची बिनविरोध निवड करण्यात आली. तत्पूर्वी पालकमंत्री रवींद्र चव्हाण यांच्या उपस्थितीत भाजपचे जिल्हाध्यक्ष राजन तेली यांनी ह्या दोन्ही नावांची घोषणा केली होती.
सावंतवाडी तालुका खरेदी-विक्री संघावर भारतीय जनता पार्टी व बाळासाहेबांची शिवसेना युतीने सत्ताधारी महाविकास आघाडीचा पराभव करून निर्विवाद सत्ता स्थापन केली होती. पंधरापैकी पंधरा संचालक हे युतीचेच निवडून आल्याने चेअरमन व व्हाईस चेअरमन निवड बिनविरोध पार पडली. चेअरमन पदी भाजपचे प्रमोद गावडे तर व्हाईस चेअरमन पदासाठी बाळासाहेबांची शिवसेना पक्षाचे रघुनाथ उर्फ राजन रेडकर यांची बिनविरोध निवड करण्यात आली.
निवडीनंतर बोलताना शेतकऱ्यांच्या हितासाठी काम करणार असून केंद्रीय मंत्री ना. नारायण राणे, पालकमंत्री ना. रविंद्र चव्हाण, शिक्षणमंत्री दीपक केसरकर यांनी दाखविलेला विश्वास सार्थकी लावणार असल्याचे मत नवनिर्वाचित चेअरमन प्रमोद गावडे, व्हा. चेअरमन रघुनाथ रेडकर यांनी व्यक्त केले.
यावेळी माजी जिल्हा बँक संचालक गुरूनाथ पेडणेकर, बाळासाहेबांच्या शिवसेनेचे पदाधिकारी अशोक दळवी, सहाय्यक निबंधक अनिल क्षीरसागर, तालुका प्रमुख बबन राणे, संचालक प्रवीण देसाई, अनारोजीन लोबो, आत्माराम गावडे, दत्ताराम हरमलकर, प्रभाकर राऊळ, प्रमोद सावंत, शशिकांत गावडे, ज्ञानेश परब, विनायक राऊळ, रेश्मा निर्गुण, नारायण हिराप, भगवान जाधव, अभिमन्यू लोंढे, मळगांव उपसरपंच हनुमंत पेडणेकर, माजी सरपंच गणेश पेडणेकर, गजानन नाटेकर आदींसह खरेदी-विक्री संघाचे सदस्य, युतीचे पदाधिकारी कार्यकर्ते उपस्थित होते.
Sindhudurg
