बांदा (प्रतिनिधी) : बांदा – पानवळ येथील गोगटे वाळके महाविद्यालयाच्या वाणिज्य शाखेचा निकाल जाहीर झाला आहे. वाणिज्य विभागात रूतीक राजन धुरी याने प्रथम क्रमांक मिळविला. आला. एकूण ५० विद्यार्थी परीक्षेला प्रविष्ट झाले होते. त्यापैकी ३८ विद्यार्थी उत्तीर्ण झालेत. या विभागाचा निकाल ७६ टक्के एवढा लागला.
बिजनेस मॅनेजमेंट या विभागात रूतिक राजन धुरी हा ७१ टक्के गुण मिळवून सर्वप्रथम आला. आत्माराम सूर्यकांत कांबळे ५७ टक्के आणि दक्षता दत्ताराम परब ५१ टक्के यांनी अनुक्रमे द्वितीय व तृतीय क्रमांक प्राप्त केला.
अकाउंटन्सी विभागातून मेघना मकरंद गोरे ही ६६ टक्के गुण मिळवून प्रथम, ऋतुजा कुमार गोरे ५९ टक्के मिळवून द्वितीय आणि प्रीती प्रकाश देसाई ५८ टक्के गुण मिळवून तृतीय आली.
बिझनेस मॅनेजमेंट या विषयात १७ विद्यार्थी परीक्षेला बसले. त्यापैकी १३ विद्यार्थी उत्तीर्ण झाले. अकाउंटन्सी या विषयात ३३ विद्यार्थी परीक्षेला बसले. त्यापैकी २५ विद्यार्थी उत्तीर्ण झाले.
या सर्व विद्यार्थ्यांना वाणिज्य विभाग प्रमुख प्रा. उमेश परब, अकाउंटन्सी विभागप्रमुख प्रा. डॉ. ए. पी. महाले, बिझनेस मॅनेजमेंट विभागप्रमुख प्रा. आर. एस. गावडे आणि अर्थशास्त्र विभागाचे प्रा. डॉ. एम. एन. वालावलकर यांचे मार्गदर्शन लाभले
या सर्व विद्यार्थ्यांचे अभिनंदन महाविद्यालयाचे प्राचार्य डॉ. जी. जी. काजरेकर, शिक्षण प्रसारक मंडळ बांदाचे अध्यक्ष डी. बी. वारंग आणि संस्थेचे सर्व पदाधिकारी तसेच सर्व प्राध्यापक वर्ग व शिक्षकेतर कर्मचाऱ्यांनी केले आहे.
