राजापूर Breaking : पेंडखळे सरपंचावर प्राणघातक हल्ला

जमिनीच्या वादातून घडली घटना

राजापूर | प्रतिनिधी : जमिनी भोवती घातलेल्या कुंपणावरुन पेंडखलेचे सरपंच राजेश हरीचंद्र गुरव वय ५० यांच्यावर कोयतीने प्राणघातक हल्ला झाल्याची घटना मंगळवारी सकाळी साडेआठच्या दरम्यान पेंडखले वठारवाडी येथे घडली. या प्रकरणी राजापूर पोलीसांनी दत्ताराम महादेव सुर्वे रा. पेंडखळे यांच्या विरोधात गुन्हा दाखल केला आहे. तर सरपंच राजेश गुरव यांना अधिक उपचारासाठी रत्नागिरीला हलविण्यात आले आहे. तशी माहिती राजापूर पोलीसांनी दिली आहे.

याबाबत पोलीसांनी दिलेल्या माहितीनुसार पेंडखले गावचे सरपंच राजेश हरीश्चंद्र गुरव यांच्या गावातील वठारवाडी येथील जमीनी भोवती घातलेले कुंपण त्याच वाडीतील दत्ताराम महादेव उर्फ डी. एम. सुर्व हे तोडीत असतानाच सरपंच राजेश गुरव हे नेमके त्याच वेळी आपल्या बाईकवरुन तेथुन चालले होते. त्यावेळी आपले कुंपण तोडले जात असल्याचे त्यांनी पाहिले आणि बाईक थांबवुन त्यांनी दत्ताराम सुर्वे यांच्याकडे आपले कुंपण का तोडता अशी विचारणा केली. त्यावेळी दोघामध्ये वादावादी झाली आणि अचानक दत्ताराम सुर्वे यांनी हातातील कोयतीने सरपंच गुरव यांच्यावर वार केला. त्यामध्ये गुरव यांच्या डाव्या डोळ्याखाली जखम झाली. झालेल्या हल्ल्यात ते बाईकसह खाली कोसळले. त्यानंतर सुर्वे यांनी कोयतीच्या विरुध्द बाजुने गुरव यांच्या खांद्यावर मारहाण केली. असे गुरव यांनी तक्रारीत नमुद केले आहे. या झालेल्या हल्ल्यानंतर जखमी अवस्थेतील सरपंच राजेश गुरव यांना स्थानिक ग्रामस्थांनी राजापूर ग्रामीण रुग्णालयात दाखल करण्यात आले. तेथे त्यांच्यावर उपचार करण्यात आले. मात्र अधिक उपचारासाठी त्यांना रत्नागिरीला हलविण्यात आले आहे.

दरम्यान सरपंच गुरव यांच्यावर हल्ला करणारे दत्ताराम सुर्वे यांच्या विरुध्द भादवि कलम ३२४ ,५०४ ,५०६ अन्वये गुन्हा दाखल करण्यात आला असल्याचे पोलीसांनी सांगितले. तर हल्ल्यात वापरण्यात आलेली कोयती जप्त करण्यात आल्याची पोलीसांनी दिली.

दरम्यान या दत्ताराम सुर्वे यांनी देखील या प्रकरणी गुरव यांच्या विरोधात राजापूर पोलीस स्थानकात तक्रार दिली आहे. आपल्या पत्नीला गुरव यांच्याकडून धक्काबुकी करण्यात आल्याची तक्रार सुर्वे यांनी राजापूर पोलीसांत करण्यात आली या प्रकरणी राजापूर पोलीस ठाण्याचे हेडकॉंस्टेबल के. एस. पाटील अधिक तपास करीत आहेत. अशा प्रकारे या प्रकरणी परस्पर विरोधी तक्रार दाखल झाल्याचे पोलीसांनी सांगितले.