रत्नागिरी | प्रतिनिधी : बँकेकडून जप्त करण्यात आलेल्या पानवल येथील घरात आणि जागेत बेकायदेशिरपणे प्रवेश करुन ताबा मिळवणार्या तिघांविरोधात ग्रामीण पोलिस ठाण्यात गुन्हा दाखल करण्यात आला आहे.ही घटना मंगळवार 4 जुलै रोजी घडली आहे.
विश्वास कुंडाजी कडे,निखिल विश्वास कडू आणि अन्य एकजण या तिघांविरोधात ग्रामीण पोलिस ठाण्यात तक्रार देण्यात आली आहे.त्यानुसार,बँकेने 30 जून 2023 रोजी संशयितांची पनवेल येथील जागा जप्त केली असून तिच्या देखभालीसाठी बँकेने राजेंद्र शिंदे या सिक्युरिटी गार्डची नेमणूकही केली आहे. 4 जुलै रोजी राजेंद्र शिंदे तिथे हजर असताना संशयितांनी तेथील लोखंडी गेटचे कुलुप तोडून कारने बेकायदेशिरपणे जागेत प्रवेश केला.त्यांच्या या कृतीला सिक्युरिटी गार्ड राजेंद्र शिंदे यांनी विरोध केला असता संशयित आरोपींनी त्यांना शिवीगाळ केली.याप्रकरणी त्यांच्या विरोधात भादंवि कायदा कलम 188,447,504,427,34 अन्वये गुन्हा दाखल करण्यात आला असून अधिक तपास ग्रामीण पोलिस करत आहेत.