खेड | प्रतिनिधी :
खवले मांजराच्या खवले तस्करीप्रकरणी अटक करण्यात आलेल्या योगेश युवराज निकम (बिजघर-कातकरवाडी) यास न्यायालयासमोर हजर करण्यात आले असता जामिनावर सुटका करण्यात आली.
तालुक्यातील लोटे-पटवर्धन येथील हॉटेल सद्गुरूसमोर खवले मांजर तस्करीप्रकरणी मिलिंद वसंत सावंत, मीना मोहन कोटिया यांना अटक करण्यात आली होती. त्यानंतर राजाराम वामन पगारे, श्रीकांत तानाजी भोसले यांचाही सहभाग असल्याचे निष्पन्न झाल्यानंतर त्यांनाही अटक करण्यात आली होती.
न्यायालयासमोर हजर करण्यात आले असता त्यांची जामिनावर सुटका झाली होती. याप्रकरणी अटक करण्यात आलेल्या योगेश निकम यास एक दिवसाची पोलीस कोठडी सुनावण्यात आली होती.