अडतीस वर्षीय प्रकाश पाटील हा आंतरराज्य गुन्हेगार!

जिल्ह्यातील अन्य गुन्हे हे उघडकीस आणणार

कर्नाटक पोलिसांना ही हवा होता! 45 गुन्हे दाखल.

जिल्हा पोलीस अधीक्षक सौरभ कुमार अग्रवाल

सिंधुनगरी | बाळ खडपकर : कर्नाटक गोवा व महाराष्ट्र राज्यांमध्ये घरफोडीबाबत 45 गुन्हे दाखल असणारा आंतरराज्य गुन्हेगार म्हणून अनेक ठिकाणच्या पोलिसांच्या हिटलिस्टवर असणारा 38 वर्षीय सराईत गुन्हेगार प्रकाश विनायक पाटील याला सिंधुदुर्ग पुन्हा अन्वेषण शाखेच्या पथकाने 30 लाख 48 हजार 784 रुपयांच्या मुद्देमालासह अटक केली आहे. पिस्तूल रायफल जिवंत काडतुसे पाच तलवारी लोखंडी हातोडे कटावणी घन आधी हत्यारांसह सोन्या चांदीचे दागिने रोख रक्कम असा मोठा मुद्देमालही या धाडीत पोलिसांनी हस्तगत केला आहे. सिंधुदुर्गातील तसेच राज्य व परराज्यातील अनेक गुन्हे उघड होतील अशी माहिती गुरुवारी घेतलेल्या पत्रकार परिषदेत सिंदूर चे जिल्हा पोलीस अधीक्षक सौरभ कुमार अग्रवाल यांनी दिली.
या पत्रकार परिषदेवेळी जिल्ह्याचे अपर पोलीस अधीक्षक नितीन बगाटे, कणकवली चे उपविभागीय पोलीस अधिकारी विनोद कांबळे, स्थानिक गुन्हा अन्वेषण शाखेचे पोलीस निरीक्षक संदीप भोसले, सहाय्यक पोलीस निरीक्षक महेंद्र घाग आधी अधिकारी व गुन्हा अन्वेषण शाखेची टीम यावेळी उपस्थित होती.

पोलीस अधीक्षक श्री अग्रवाल म्हणाले दि. 12.07.2023 रोजी स्थानिक गुन्हे अन्वेषण शाखेचे पोलीस उप निरीक्षक श्री. शेळके, सहा. पोलीस उप निरीक्षक श्री. कोयंडे, पोहेको/ 903 जामसंडेकर, पोहेकॉ/167 केसरकर, पोकों/ 655 इंगळे असे शासकीय गाडीने कणकवली पोलीस ठाणे हद्दीत पेट्रोलींग करीत असताना त्यांना घरफोडीचे गुन्हे करणारा सराईत गुन्हेगार प्रकाश विनायक पाटील वय 38 वर्षे रा. घर नं. 74, घाटवाडा, पडोसे, सत्तरी नॉर्थ गोवा हा त्याच्याकडील कार नं. जीए- 05/एफ-4601ने प्रवास करताना मिळून आला. त्यास ताब्यात घेवून त्याच्याकडे सखोल चौकशी करता, त्याच्याकडून 1 गावठी कट्ठा, 3 जिवंत राऊंड, काडतूस बंदूक, 27 जिवंत काडतूसे, 5 तलवारी, रोख रक्कम रु. 4,69,950/-, लोखंडी हातोडे, पक्कड, कटावणी, 11 विविध कंपन्यांचे मोबाईल | हेन्डसेट 166 ग्रॅम 16 मिली वजनाचे सोन्याचे दागिने किंमत रुपये 9,68,490/-, 5 किलो 300 ग्रॅम चांदीच्या विटा व दागिने किंमत रुपये 3,35,844/-, पैसे मोजण्याची ईलेक्ट्रीक मशिन, सोने चांदी वितळविण्याची ईलेक्ट्रीक मशिन, 3 ड्रिल मशिन, एक दुचाको व एक चार चाकी वाहन असा एकूण 30,48,784/- रु. किंमतीचा मुद्देमाल हस्तगत करण्यात आला. आरोपी विरोधात कणकवली पोलीस ठाणे गु.र.क्र. 194/23 कलम 3,25, 4,25 भारतीय शस्त्र अधिनियम 1959 अन्वये गुन्हा नोंद करण्यात आलेला आहे. सदर गुन्हयाचा पुढील तपास कणकवली पोलीस ठाण्यामार्फतीने सुरु आहे.

विविध ठिकाणी 45 गुन्हे दाखल

आरोपी प्रकाश पाटील हा घरफोडी चोरी करणारा सराईत गुन्हेगार असून त्याचेविरुध्द सिधुदुर्ग जिल्हयामध्ये 8 गुन्हे, कोल्हापूर जिल्हयामध्ये 9 गुन्हे, गोवा राज्यात 4, कर्नाटक राज्यात 24 असे एकूण 45 गुन्हे दाखल आहेत. तसेच तो काही गुन्हयांमध्ये पाहिजे व काही गुन्हयांमध्ये फरार आरोपी म्हणून घोषीत आहे. सदर आरोपी विरोधात कणकवली पोलीस ठाण्यामध्ये गुन्हा नोंद करून सदर आरोपीकडून हस्तगत करण्यात आलेली अग्नीशस्त्र व घातक तलवारी, कोयता, चाकू, सुरा यांचा कोणत्या कारणासाठी साठा केलेला होता याबाबत सखोल चौकशी करण्यात येत आहे.

कर्नाटक पोलिसांना हवा होता.

कर्नाटक राज्यात अनेक घरपोळ्या व चोऱ्यामध्ये या संशयित आरोपीचा हात असून कर्नाटक पोलीस या संस्थेच्या शोधात होते. कर्नाटक मधील जिल्हा पोलीस अधीक्षकांची आपली चर्चा झाली असून या आरोपीबाबत माहितीही त्यांनी दिली आहे. हा संशयित आता ताब्यात असल्यामुळे जिल्ह्यातील व जिल्हा बाहेरील अनेक गुन्हे आणखी उजेडात येतील. हस्तगत केलेला मला व सोन्या-चांदीचे दागिने कोणत्या चोरी मधील आहेत याचा छडा लावला जाईल. या गुन्ह्यात आणखी साथीदार असण्याची शक्यता असून त्याचा तपास लावण्यात येईल, या जिल्ह्यात तो किती काळ वास्तव्यास होता याचाही तपास पोलीस करत आहेत. कणकवली पोलीस ठाण्यात त्याच्या विरुद्ध गुन्हा नोंद झाली असून कणकवली येथील न्यायालयात त्याला हजर केले जाणार आहे. त्याच्याकडे मोटरसायकलचे नंबर प्लेट सापडले असून त्या दृष्टीने ही पडताळणी करणार आहेत.

पोलीस पथकाचे पोलीस अधीक्षकाने केले अभिनंदन!

जिल्हा पोलीस अधीक्षक सौरभ कुमार अग्रवाल व अपर पोलीस अधीक्षक नितीन बगाटे यांच्या मार्गदर्शनाखाली हे फार मोठी कारवाई स्थानिक गुन्हे शाखेचे पोलीस निरीक्षक श्री. संदिप भोसले यांच्या पोलीस पथकाने केली. यात सहा. पोलीस निरीक्षक श्री महेंद्र याग, पोलीस उप निरीक्षक श्री. रामचंद्र शेळके, सहा पोलीस उप निरीक्षक गुरुनाथ कोयंडे, पोलीस अंमलदार राजेंद्र जामसंडेकर, कृष्णा केसरकर, प्रकाश कदम, अनुपकुमार खंडे, आशिष गंगावणे, रुपाली खानोलकर, आशिष जामदार, चंद्रकांत पालकर, चंद्रहास नार्वेकर, रवि इंगळे, यांनी सहभाग घेतला होता. या सर्व पोलीस पथकाचे जिल्हा पोलीस अधीक्षक सौरभ अग्रवाल यांनी पत्रकार परिषदेत अभिनंदन केले.