तालुका स्तरावर पर्यटन मार्गदर्शन कार्यशाळा

 

पर्यटन वाढीसाठी जिल्हापरिषद व पर्यटन महासंघाच्या वतीने आयोजन ; पर्यटन महासंघ अध्यक्ष विष्णू मोंडकर यांची माहिती

मालवण | प्रतिनिधी : ग्रामस्तरावर गठीत झालेल्या पर्यटन समितीची पुढील कार्यपद्धती काय असावी, कशा प्रकारे पर्यटन क्षेत्रात कार्य व्हावे यासाठी जिल्ह्य परिषद सिंधुदुर्ग व पर्यटन व्यावसायिक महासंघाच्या वतीने पर्यटन मार्गदर्शन कार्यशाळेचे आयोजन करण्यात आले आहे. जिह्यातील प्रत्येक तालुका स्तरावर २० जुलै ते २४ जुलै कालावधीत प्रत्येक तालुक्याच्या पंचायत समिती सभागृहात पर्यटन कार्यशाळा आयोजित होणार आहेत. तसे आदेश प्रजीत नायर मुख्य कार्यकारी अधिकारी सिंधुदुर्ग यांनी गट विकास अधिकारी यांना दिले आहेत. अशी माहिती पर्यटन महासंघ अध्यक्ष विष्णू (बाबा) मोंडकर यांनी दिली आहे.

गुरवार २० जुलै सकाळी १०:३० वा. कणकवली दुपारी २ वाजता वैभववाडी शुक्रवार २१ जुलै सकाळी १०:३० वाजता सावंतवाडी दुपारी २ वा. दोडामार्ग शनिवार २२ जुलै सकाळी १०: ३० वा. मालवण दुपारी २ वाजता देवगड, २४ जुलै सकाळी १०:३० वा. वेंगुर्ला दूपारी २ वाजता कुडाळ तालुक्यात पर्यटन कार्यशाळेचे आयोजन करण्यात आले आहे. यासाठी राज्य सरकारच्या वतीने जिल्ह्याचे पालकमंत्री रवींद्र चव्हाण यांच्या सहकार्याने कोकण विभाग पर्यटन संचालनालाय उपसंचालक हनुमंत हेडे हे स्वतः उपस्थित राहून गठीत पर्यटन समितीस मार्गदर्शन करणार आहेत. ग्राम स्तरावर पर्यटन वाढीसाठी नियोजित कामाची सुरवात होईल. असा विश्वास विष्णू मोंडकर यांनी व्यक्त केला आहे.

सिंधुदुर्ग हा जिल्हा पर्यटन जिल्हा असून सागरी पर्यटना सोबत जिल्ह्यातील ऍग्रो, हिस्ट्री, कल्चर, मेडिकल टुरिझम, कातळशिल्प पर्यटन, साहसी पर्यटन, फूड टुरिझम क्षेत्रात जिल्हा अग्रेसर होण्यासाठी पर्यटन व्यावसायिक महासंघ कार्यरत आहे. सिंधुदुर्ग जिल्हातील ग्रामपंचायत स्तरावर सरपंच यांच्या अध्यतेखाली जिल्ह्यातील ४३१ ग्रामपंचायत स्तरावर पर्यटन ग्राम समिती गठीत होत आहेत. जिल्ह्यांत पर्यटन व्यावसायिक महासंघाच्या माध्यमातून ग्रामस्तरावर पर्यटन वाढींसाठी नियोजित कार्यास सुरुवात झाली आहे. महाराष्ट्र राज्यातील कोकण विभागातील सिंधुदुर्ग हा एकमेव जिल्हा आहे त्यांच्या ग्रामपर्यटन समिती ग्रामपंचायत स्तरावर गठीत झाल्या आहेत. या बद्दल जिप मुख्य कार्यकारी अधिकारी प्रजीत नायर यांचे योगदान महत्वाचे असूनग्रामविकासअधिकारी, सरपंच, ग्रामसेवक यांचे ही सहकार्य लाभले आहे. असे विष्णू मोंडकर यांनी माहिती देताना सांगितले.