अडीवरे येथील हायस्कुलचे कार्यालय फोडून 20 हजारांची चोरी

राजापूर | प्रतिनिधी :राजापूर तालुक्यातील श्री महाकाली इंग्लिश स्कुल व कनिष्ठ महाविद्यालय नवेदर आडिवरे या हायस्कुलचे कार्यालय फोडून अज्ञाताने 20 हजार रुपयांचा मुद्देमाल लांबवला.चोरीची ही घटना गुरुवार 13 जुलै रोजी सायंकाळी 5 ते शुक्रवार 14 जुलै रोजी सकाळी 8 वा.कालावधीत घडली आहे.
याप्रकरणी नाटे पोलिस ठाण्यात अज्ञाताविरोधात गुन्हा दाखल करण्यात आला आहे.याबाबत दिलेल्या तक्रारीनुसार,अज्ञाताने या हायस्कुलच्या कार्यालयातील लाकडी खिडकीचे दोन गज कोणत्यातरी हत्याराने कापून त्याव्दारे आतमध्ये प्रवेश करुन एपसन कंनीचा एम 205 प्रिंटर मल्टीफंक्शन वायफाय आणि हॉटस्पॉट राउटर असा एकूण 20 हजार 100 रुपयांचा मुद्देमाल लांबवला.याप्रकरणी नाटे पोलिस ठाण्यात अज्ञाताविरोधात भादंवि कायदला कलम 454,457,380 अन्वये गुन्हा दाखल करण्यात आला आहे.