खेड(प्रतिनिधी) खेड मधील पूर आता ओसरला आहे मात्र जगबुडी व नारिंगी नदी पात्रातील मगरी पाण्याच्या प्रवाहात वाहून येत त्यांनी आपला मोर्चा मानवी वस्ती कडे वळवला आहे अशीच एका मगर २२ जुलै रोजी रात्रौ ०२:३० वाजता वनविभाग वन्यजीव बचाव पथकाने ९ फुटी महाकाय मगरीस दीड तासाच्या अथक प्रयत्नाने सुरक्षितरीत्या पकडून नैसर्गिक अधिवासात मुक्त केले आहे.
खेड -दापोली रस्त्यावरील जिजामाता भाजी मंडई खेड येथे मगर असल्याची माहिती पोलीस
स्टेशन खेड यांचेकडून मिळाल्यानंतर वन विभागाचे वन्यजीव बचाव पथक खेड तात्काळ घटनास्थळी रवाना झाले. सुमारे ९ फुट लांबीची मगर मंडईच्या शेडमध्ये बसलेली होती. सदर मगर खूपच मोठी असलेने मगरीस पकडणेचे वन्यजीव बचाव पथकासमोर खूप मोठे आव्हान होते. वन्यजीवांसाठी अहोरात्र मेहनत घेणारी ,कर्तव्याची जाणीव असणारी, जीवाची बाजी लावुन काम करणारी खेडची वन विभागाची वन्यजीव बचाव टीम
आहे. त्यांना अशक्य असं काहीच नाही. विचार विनिमय व प्रत्यक्ष कार्यवाहीचे नियोजन करून, प्रत्येकावर कामगिरी सोपविणेत आली. आणि प्रत्यक्ष बचाव कार्याला सुरुवात करणेत आली.
प्रथम मगरीच्या तोंडावर गोणता टाकणेत आला. मगरीला आजूबाजूचे दिसू नये हा उद्देश होता व तोच गोणता मगरीचे तोंडाला बांधणेत
येणार होता. गोणता बरोबर मगरीच्या तोंडावर टाकल्याने मगरीला आजूबाजूचे दिसत नाही याची खात्री झाल्यानंतर चपळाईने मगरीवर जाळे टाकून सर्वांनी मगरीला चारही बाजूने धरून ठेवले व मगरीचे चारही पाय उचलून धरले. रस्सीच्या सहाय्याने मगरीचे तोंड व चारही पाय व्यवस्थित बांधणेत आले. मगर महाकाय व वजनशीर असलेने नगरपरिषद खेडने तात्काळ त्यांचा ट्रॅक्टर उपलब्ध करून दिला. जाळ्यासह मगरीला
सुरक्षितरित्या उचलून ट्रॅक्टर मध्ये ठेवुन ट्रॅक्टर मधून मगरीला पशुवैद्यकीय अधिकारी यांचेकडून तपासणी
करून घेवुन तिला नैसर्गिक अधिवासात सोडणेसाठी योग्य असल्याने तिला नैसर्गिक अधिवासात मुक्त केली.
सदरची कार्यवाही मा. विभागीय वन अधिकारी रत्नागिरी (चिपळूण) श्री. दिपक खाडे साहेब,
मा. सहाय्यक वनसंरक्षक चिपळूण श्री. बोराटे साहेब, मा. परिक्षेत्र वन अधिकारी दापोली श्री. प्रकाश पाटील
साहेब यांचे मार्गदर्शनाखाली वन्यजीव बचाव पथक खेडचे श्री. सुरेश उपरे परिमंडळ वन अधिकारी खेड, श्री.
राणबा बंबर्गेकर वनरक्षक खवटी, श्री. परमेश्वर डोईफोडे वनरक्षक तळे, श्री. अशोक ढाकणे वनरक्षक
काडवली, श्रीम. प्रियंका कदम वनरक्षक आंबवली, श्री. छत्रपती वाईल्ड लाईफ फाउंडेशनचे सदस्य श्री.
सर्वेश पवार, श्री. रोहन खेडेकर, श्री. श्वेत चोगले, श्री. सुरज जाधव, श्री. सुमित म्हाप्रळकर, श्री. यश खेडेकर,
तसेच पोलीस स्टेशन खेड चे पोलीस अधिकारी या सर्वांनी मिळून खूप मेहनतीने, अथक प्रयत्नाने सदरची
कार्यवाही यशस्वीरीत्या पूर्ण केली .