रत्नागिरी | प्रतिनिधी : बेदरकारपणे दुचाकी चालवून रस्त्यावरील कुत्र्याला धडक देत अपघात केल्याप्रकरणी चालकाविरोधात शहर पोलिस ठाण्यात गुन्हा दाखल करण्यात आला आहे. अपघाताची ही घटना 18 सप्टेंबर रोजी 7.30 वा.डिमार्टच्या अलीकडील रेल्वे ब्रिजजवळ घडली होती.
जितेंद्र विजय कदम (37,रा.क्रांतीनगर मजगाव रोड,रत्नागिरी) असे गुन्हा दाखल करण्यात आलेल्या संशयित दुचाकी चालकाचे नाव आहे. 18 सप्टेंबर रोजी जितेंद्र आपल्या ताब्यातील ऍक्सेस दुचाकी (एमएच-08-बीबी-0629) वर पाठीमागे आर्यन संदीप पवार (18,रा.क्रांतीनगर मजगाव रोड,रत्नागिरी) याला घेउन रत्नागिरी ते हातखंबा असा भरधाव वेगाने जात होता.तो रेल्वे ब्रिजजवळ आला असता त्याचा दुचाकीवरील ताबा सूटला आणि त्याने रस्त्यावरील कुत्र्याला धडक देत अपघात केला.यात दोघे दुचाकीसह रस्त्यावर पडल्याने दोघांनाही दुखापत झाली होती.याप्रकरणी मंगळवार 10 ऑक्टोबर रोजी दुपारी जितेंद्र विरोधात शहर पोलिस ठाण्यात भादंवि कायदा कलम 279,337,मोटार वाहन कायदा कलम 184 प्रमाणे गन्हा दाखल करण्यात आला आहे.
