लांजा (प्रतिनिधी) लांजा तालुकास्तरीय शालेय तायक्वांदो स्पर्धा नुकतीच उत्साहात पार पडली.
क्रीडा व युवा सेवा संचालनालय महाराष्ट्र राज्य पुणे व जिल्हा क्रीडा परिषद व जिल्हा क्रीडा कार्यालय रत्नागिरी यांच्या संयुक्त विद्यमाने आणि लांजा तालुका शारीरिक शिक्षक संघटना व तायक्वॉंदो फिटनेस अकॅडमी लांजा यांचा सहकार्याने ही स्पर्धा घेण्यात आली.
या स्पर्धेचे उद्घाटन आमदार राजन साळवी यांच्या हस्ते करण्यात आले. या उद्घाटन प्रसंगी लांजा गटशिक्षणाधिकारी विजयकुमार बंडगर, विस्तार अधिकारी सावंत, जिल्हा मध्यवर्ती बँकेचे संचालक मुन्ना खामकर,तायक्वॉंदो फिटनेस अकॅडमी लांजाचे पदाधिकारी किशोर यादव , लांजा तालुका क्रिडा समन्वयक निलेश बागडी,तायक्वॉंदो फिटनेस अकॅडमी सचिव व राष्ट्रीय खेळाडू, प्रशिक्षक,पंच तेजस्विनी विरेंद्र आचरेकर, लांजा तालुका प्रमुख प्रशिक्षक तेजस पावसकर, सदस्य रोहीत कांबळे व सर्व क्रिडा शिक्षक आणि प्रशिक्षक उपस्थित होते.
या स्पर्धेमध्ये तालुक्यातील एकूण ७० ते ८० खेळाडूंनी सहभाग घेतला होता.सर्व विजेत्या स्पर्धकांना ,नगर पंचायत लांजाचे नगरसेवक संजय यादव यांच्या सौजन्याने सुवर्ण पदक, रौप्य पदक, कांस्य पदक,देण्यात आले.
या स्पर्धेचे पंच म्हणून नॅशनल पंच तेजकुमार लोखंडे,मयुरी खांबे, शितल आचरेकर, तेजस्विनी आचरेकर, गौरव खेडेकर यांच्या मार्गदर्शनाखाली स्पर्धा उत्तम रित्या पार पडली..
