रत्नागिरी | प्रतिनिधी : बेदरकारपणे टेम्पो चालवून पुढील दुचाकीला धडक देत अपघात केला.या अपघातात दुचाकीवरील महिलेला गंभिर दुखापत झाली असून अज्ञात टेम्पो चालकाविरोधात शहर पोलिस ठाण्यात गुन्हा दाखल करण्यात आला आहे.अपघाताची ही घटना सोमवार 23 ऑक्टोबर रोजी सायंकाळी 5.30 वा.मारुती मंदिर जवळील मुस्कान सायकल मार्टसमोर घडली.
याबाबत अपघातग्रस्त महिलेेचे पती निलेश शांताराम काळे (53,रा.शिवाजीनगर,रत्नागिरी) यांनी शहर पोलिस ठाण्यात तक्रार दिली आहे.त्यानुसार,सोमवारी सायंकाळी त्यांची पत्नी निशी काळे (47) या आपल्या ताब्यातील दुचाकी घेउन दसर्‍यासाठी फुले आणण्यासाठी गेल्या होत्या.त्या मारुतीमंदिर जवळील मुस्कान सायकल मार्ट समोर आल्या असता पाठीमागून येणार्‍या निळ्या रंगाच्या लहान टेम्पोने त्यांच्या दुचाकीला धडक देत अपघात केला.अपघात झाल्यावर टेम्पो चालकाने पळ काढलेला असून या धडकेमुळे निशी काळे रस्त्यावर पडून त्यांच्या डाव्या पायाला फॅ्रक्चर झाले आहे.याप्रकरणी अज्ञात चालकाविरोधात भादंवि कायदा कलम 279,337,338,मोटार वाहना कायदा कलम 184,134,187 अन्वये गुन्हा दाखल करण्यात आला आहे.
