“फिट राइज 75”चा रत्नागिरी पोलीस दलातर्फे शुभारंभ
रत्नागिरी : “सरदार वल्लभभाई पटेल राष्ट्रीय पोलीस अकादमी” हैदराबाद यांच्या द्वारे आयोजित करण्यात आलेल्या व केंद्रीय गृह मंत्री अमित शहा यांच्या शुभ हस्ते “फिट राइज 75” या 75 दिवसीय फिटनेस कार्यक्रमाचे “फ्लॅग ऑफ समारंभ” करून दिनांक 27 ऑक्टोबर 2023 रोजी सकाळी 09:30 संपन्न झाले.
“फिट राइज 75” हा एक निरोगी जीवनशैली स्वीकारण्यासाठी पोलीस अधिकारी, अंमलदार व त्यांच्या कुटुंबियांसाठी 75 दिवसांचा विविध फिटनेस आव्हाने असलेला कार्यक्रम असून, त्या अनुषंगाने, दिनांक 27 ऑक्टोबर 2023 रोजी सकाळी 09:30 वा पोलीस मुख्यालय येथे पोलीस अधीक्षक, रत्नागिरी यांच्या शुभ हस्ते “फिट राइज 75” या फिटनेस कार्यक्रमाला हिरवा झेंडा दाखवून सुरुवात करण्यात आलेली आहे.
आज झालेल्या या पोलीस मुख्यालय-जयस्तंभ-भाट्ये पूल-नारळ संशोधन केंद्र व परत पोलीस मुख्यालय असे 5 कि.मी. च्या फिटनेस दौड मध्ये 16 पोलीस अधिकारी व 115 पोलीस अंमलदार यांनी उत्स्फूर्त सहभाग घेतला.
