राज्यस्तरावर मिळविला प्रथम क्रमांक
मसुरे | झुंजार पेडणेकर : सिंधुदुर्ग जिल्ह्यातील तरेळे मूळ गाव आणि मसुरे गडघेरावाडी येथे आजोळ असलेल्या स्वानंदी संतोष सावंत हिने सतरा वर्षाखाली वयोगटातील चंद्रपूर येथे झालेल्या राज्य शासनाच्या राज्यस्तरीय शालेय ॲथलेटिक्स 2023 या स्पर्धेत 100 मीटर हरडल्स या क्रीडा प्रकारात 14.82 सेकंद वेळ देत प्रथम क्रमांक प्राप्त केला आहे. तिला मान्यवरांच्या हस्ते गोल्ड मेडल देण्यात आले. डिसेंबर महिन्यात पाटणा येथे होणाऱ्या नॅशनल स्पर्धेसाठी तिची निवड महाराष्ट्र संघाकडून झाली आहे.
स्वानंदी सावंत ही उदयाचल हायस्कूल गोदरेज विक्रोळी मुंबई या प्रशालेमध्ये इयत्ता नववी मध्ये शिकत असून तिला प्रशिक्षक महणून वीरेंद्र यादव यांचे मार्गदर्शन लाभत आहे.
स्वानंदी हिला यापूर्वी हर्डल्स स्पर्धेमध्ये जिल्हा राज्य आणि नॅशनल स्पर्धांमध्ये ब्राँझ, सिल्वर, गोल्ड मेडल प्राप्त झालेली आहेत. मुंबईमध्ये झालेल्या अनेक स्पर्धांमध्ये तिने प्रथम क्रमांक प्राप्त केलेला आहे. गतवर्षी गुवाहाटी येथे झालेल्या नॅशनल स्पर्धेमध्ये तिने ब्राँझ मेडल पटकाविले होते. यावेळी बोलताना स्वानंदी सावंत म्हणाली भविष्यामध्ये भारतीय संघाचे प्रतिनिधित्व करण्याचा आपला मानस असून यासाठी आपण कठोर मेहनत, कठोर परिश्रम घेत आहे. स्वानंदी हिच्या या यशाबद्दल मसुरे, तरळे गावातून तसेच मुंबई येथे ती शिकत असलेल्या शाळे मधील शिक्षकांनी आणि पालकांनी, परिवाराने तिचे विशेष अभिनंदन केले आहे. तसेच जिल्हा क्रीडा अधिकारी चंद्रपूर अविनाश पुंड आणि उपसंचालक क्रीडा व युवक सेवा नागपूर विभागाचे शेखर पाटील यांनी विशेष अभिनंदन केले आहे.
