वेंगुर्ला | प्रतिनिधी : वेंगुर्ला नगरपरीषद मार्केटमध्ये रविवारी आठवडा बाजारात वहाने पार्किंगच्या जागेत दुकाने लावली जात असल्याने पार्किंगच्या ठिकाणी वाहाने नेण्यास येणा-या अडथळा निर्माण होतो. त्यामुळे व्यापारासाठी आलेल्या दुचाकी धारकांना रस्त्यावर वाहाने पार्किंग करावी लागतात. याच परीणाम मुख्य रस्त्यावर वाहातुकिची कोंडी निर्माण होते. याबाबत शिवसेनेचे वेंगुर्ला शहर प्रमुख उमेश येरम यांनी मुख्याधिका-यांचे लक्ष वेधले असता वेंगुर्ला नगरपरीषदेच्या मच्छीमार्केटच्या मुख्य गेटकडून पार्किंग भागात जाण्याची व्यवस्था व पार्किंगच्या ठिकाणी दुकाने न लावण्याबाबतची कार्यवाही करण्याचे आश्वासन मुख्याधिकारी परितोष कंकाळ यांनी दिले.
वेंगुर्ला शहरांमध्ये रविवारी आठवडा बाजार भरत असतो. नगरपरिषदेच्या पार्किंग जागेत त्या दिवशी दुकाने लावली जातात. नगर परिषदेच्या पार्किंग जागेत जे जाणारे रस्ते आहेत ते दुकाने लावल्यामुळे बंद असतात. त्यामुळे गाड¬ा घेऊन लोक पार्किंग ठिकाणी जाऊ शकत नाही. त्यामुळे लोकांना नाईलाजास्तव रस्त्यावर गाड¬ा लावाव्या लागतात. त्यामुळे वहातुकिला अडथळा निर्माण होतो. पार्किंगची जागा मोकळी ठेऊन त्या ठिकाणी जाण्यायेण्यासाठी एक रस्ता मोकळा ठेवावा, जेणेकरून पार्किंग व्यवस्था सुलभ होईल. असे नमुद आहे. याबाबत शिवसेनेचे वेंगुर्ला शहर प्रमुख उमेश येरम यांनी नगरपरिषदेचे मुख्याधिकारी परीतोष कंकाळ यांच्याशी चर्चा केली. या चर्चेअंती वेंगुर्ला नगरपरीषदच्या मच्छीमार्केटच्या मुख्य गेटकडून पार्किंग भागात जाण्याची व्यवस्था व पार्किंगच्या ठिकाणी दुकाने न लावण्याबाबतची कार्यवाही करण्याचे आश्वासन मुख्याधिकारी परितोष कंकाळ यांनी दिले. यावेळी व्यापारी संदिप गावडे, विजय गावडे, जयेश गावडे, गजा शारबिद्रे, जीजी गावडे, सुरेश गवळी, सुधीर वाडकर आदी उपस्थित होते.
फोटोओळी – वाहतुक कोंडीबाबत व्यापा-यांनी मुख्याधिकारी यांना निवेदन दिले.
