रत्नागिरी : जिल्हयातील सर्व खासगी आस्थापनांना/उद्योजकांनी आपणांकडे उपलब्ध असलेली रिक्त
पदे www.mahaswayam.gov.in या पोर्टलवर अधिसूचित करण्यात यावी व जिल्ह्यातील उमेदवारांना रोजगार संधी उपलब्ध करुन द्यावी, असे आवाहन कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त इनुजा
शेख यांनी केले आहे.
जिल्ह्यातील बेरोजगार उमेदवारांना विविध क्षेत्रात रोजगाराच्या संधी उपलब्ध करुन देण्याच्या दृष्टिने पंडित
दीनदयाल उपाध्याय रोजगार मेळाव्याचे तु. बा. कदम कॉलेज ऑफ आर्टस, सायन्स अॕन्ड कॉमर्स, भरणे बालाजी हॉटेल
मागे ता.खेड, जि. रत्नागिरी येथे 19 जानेवारी 2024 रोजी सकाळी 11 वाजता आयोजन करण्यात आलेले आहे. तरी
जिल्ह्यातील सर्व खासगी आस्थापनांनी/उद्योजकांनी देण्यात आलेला युझर आयडी व पासवर्ड चा वापर करुन रिक्तपदे
ऑनलाईन अधिसूचित करावी व प्रत्यक्ष रोजगार मेळाव्याच्या माध्यमातून उमेदवारांची निवड करुन रोजगार उपलब्ध
करुन देण्यात यावा. रोजगार मेळाव्यामध्ये सहभागी होणेसाठी आपली नोंदणी नसल्यास कृपया या कार्यालयाकडे त्वरित
संपर्क साधून नोंदणी करावी व रोजगार मेळाव्यात सहभागी व्हावे. जिल्हयातील खासगी आस्थापनांनी महास्वयंम
वेबपोर्टलच्या माध्यमातून रोजगार मेळाव्यात सहभागी होऊन बेरोजगार उमेदवारांना रोजगार उपलब्ध करुन द्यावा.
अधिक माहिती करिता या कार्यालयाच्या दूरध्वनी क्रमांक ०२३५२-२२१४७८/२९९३८५/९०७५६०२२८३ यावर
संपर्क साधावा.
