रत्नागिरी : जिल्ह्यातील बेरोजगार उमेदवारांना विविध क्षेत्रात रोजगाराच्या संधी उपलब्ध करुन देण्याच्या दृष्टिने पंडित दीनदयाल उपाध्याय रोजगार मेळाव्याचे तु. बा. कदम कॉलेज ऑफ आर्टस, सायन्स अॕन्ड कॉमर्स,भरणे बालाजी हॉटेल मागे ता. खेड येथे 19 जानेवारी 2024 रोजी सकाळी 11 वाजता आयोजित करण्यात आले आहे.
रोजगार संधीचा लाभ घेण्यासाठी उमेदवारांनी त्यांची नोंदणी या विभागाच्या www.mahaswayam.gov.in पोर्टलवर करावी. तसेच रोजगार मेळाव्यामध्ये सहभागी होण्यासाठी आपली नोंदणी नसल्यास कृपया जिल्हा कौशल्य विकास, रोजगार व उद्योजकता मार्गदर्शन केंद्र या कार्यालयाकडे त्वरित संपर्क साधून नोंदणी करावी व रोजगार मेळाव्यात सहभागी होऊन रोजगार संधीचा लाभ घ्यावा, असे आवाहन कौशल्य विकास,रोजगार व उद्योजकता मार्गदर्शन केंद्राच्या सहायक आयुक्त इनुजा शेख यांनी केले आहे. नोंदणीकृत असलेल्या सर्व उमेदवारांनी त्यांचे प्रोफाईल अद्ययावत करावे. जिल्ह्यातील नोंदणी केलल्या उमेदवारांनी त्यांच्याकडील युझर आयडी व पासवर्डच्या सहायाने 19 जानेवारी 2024 रोजीच्या पंडित दीनदयाल उपाध्याय रोजगार मेळावामध्ये ऑनलाईन अप्लाय करुन रोजगार मेळाव्याचे दिवशी मुलाखतीकरिता त्यांचे बायोडाटा व इतर आवश्यक शैक्षणिक कागदपत्रांच्या प्रतींसह प्रत्यक्ष उपस्थित राहावे. अधिक माहितीसाठी या कार्यालयाच्या दुरध्वनी क्रमांक ०२३५२- २२१४७८ २९९३८५/९०७५६०२२८३ या क्रमांकावर संपर्क साधावा.
