मालवण | प्रतिनिधी : सिंधुदुर्ग जिल्ह्याचे पालकमंत्री रवींद्र चव्हाण तसेच भाजप नेते माजी खासदार निलेश यांनी ग्रा. पं. गोळवण कुमामे डिकवल येथे मंजूर केलेल्या विकास कामांचे भूमिपूजन सिंधुदुर्ग जिल्हा बँक संचालक बाबा परब यांच्या हस्ते संपन्न झाले.
गोळवण (चिरमुलेवाडी) रस्ता खडीकरण व डांबरीकरण करणे. 14 लाख 50 हजार रुपये, गोळवण (चव्हाणवाडी) रस्ता खडीकरण डांबरीकरण करणे 5 लाख या दोन कामांचे भूमिपूजन करण्यात आले.
यावेळी सरपंच सुभाष लाड, उपसरपंच शरद मांजरेकर, ग्रामपंचायत सदस्य सौ. प्राजक्ता चिरमुले, नंदू नाईक, रामचंद्र घाडी, संजय पताडे, बाबुराव चिरमुले, वासुदेव गावडे, संतोष चव्हाण, प्रकाश चिरमुले, दया देसाई, मालोजी चिरमुले, गोपाळ तेजम, सौ. राजश्री तेजम, आणि ग्रामस्थ उपस्थित होते.
