गोठणे यशवंतवाडी रस्ता डांबरीकरण कामाचा शुभारंभ

मालवण | प्रतिनिधी : ग्रामपंचायत निवडणुकीच्या दरम्यान माजी बांधकाम सभापती महेंद्र चव्हाण, माजी उपसभापती राजू परुळेकर यांनी यशवंतवाडी ग्रामस्थांना रस्त्या संदर्भात शब्द दिला होता. त्यानुसार गोठणे गावच्या नवनिर्वाचित सरपंच सौ. दीप्ती दयाळ हाटले यांच्या हस्ते यशवंतवाडी रस्ता डांबरीकरण कामाचा शुभारंभ करण्यात आला.

यावेळी किर्लोस्क गावचे भाजपचे जेष्ठ कार्यकर्ते अर्जुन उर्फ बाळा लाड, गोठणे उपसरपंच बाबू परब, ग्रा. पं. सदस्य सोनाली पालांडे, अर्चना मुणगेकर, माजी उपसरपंच राजेंद्र लाड, मकरंद राणे, संतोष धुरी, दयाळ हाटले, योगेश बाईत, घनश्याम चव्हाण, भास्कर वायंगणकर, महेश चिंदरकर, समीर पालांडे, तुषार लाड, शैलेश लाड, बाळू कुवरे, दत्तू वायंगणकर, जठार, ज्येष्ठ नागरिक मधुकर हाटले, प्रकाश हाटले भाजपचे कार्यकर्ते उपस्थित होते.

केंद्रीय मंत्री नारायण राणे, सार्वजनिक बांधकाम मंत्री पालकमंत्री सिंधुदुर्ग रवींद्र चव्हाण, माजी खासदार निलेश राणे, दत्ता सामंत, धोंडी चिंदरकर, गणेश सुर्वे यांच्या पाठपुराव्याने
गोठणे गावातील इतरही रस्ते आणि अन्य विकासकामे टप्प्याटप्प्याने करू. असे सांगण्यात आले.