सावंतवाडी । प्रतिनिधी : सावंतवाडी तालुका विधी सेवा समिती व वकिल संघटना यांच्या सयुक्त विद्यमाने घेणेत आलेल्या राष्ट्रीय लोकअदालतमध्ये वादपूर्व व न्यायालयीन प्रलंबित अशी एकूण ११८९ प्रकरणे ठेवण्यात आली होती. त्यापैकी एकूण १२३ प्रकरणे सामजस्याने व तडजोडीने निकाली काढण्यात आली त्यातून १४,२२,७८२ रूपये वसुल करणेत आली. सावंतवाडी न्यायालयाच्या दिवाणी न्यायाधीश श्रीमती आर. आर. बेडगकर, सह दिवाणी न्यायाधीश, श्रीमती. डी. बी. सुतार यांच्या उपस्थितीत हे राष्ट्रीय लोकअदालत झाले. यावेळी वकिल संघटना सावंतवाडीच्या अध्यक्षा ॲड. नीता सावंत -कविटकर व पॅनेल समिती सदस्य ॲड. जी. जी. बांदेकर उपस्थित होते.
सदरहू लोकन्यायात वादपूर्व प्रकरणे ६९१ ठेवणेत आली होती. त्यापैकी ८२ प्रकरणे निकाली होवून रु ४,८६,९४१ रूपये रक्कम वसूल झाली. न्यायालयीन प्रलंबित प्रकरणे ४९८ ठेवण्यात आली. त्यापैकी ४१ प्रकरणे निकाली होवून रु ९,३५,८४१ रूपये रक्कम वसूल झाली.लोकन्यायालय यशस्वी करणेसाठी न्यायालयाचे सहा अधिक्षक, श्रीमती. एन. एस. सावंत व श्री. एस्.एस्. सबनीस तालुका विधी सेवा प्राधिकरण विभागाच्या वरिष्ठ लिपीक श्रीमती. व्ही. एम. मीर आदी न्यायालयीन कर्मचारी व पोलीस उपस्थित होते.
