वर्षानिमित्त बोधचिन्हाचे अनावरण
रत्नागिरी : शहरातील खालची आळी येथील मारुती कॉमन क्लब या मंडळाच्या सुवर्ण महोत्सवी वर्षानिमित्त बोधचिन्हाच्या (लोगो) अनावरणाचा कार्यक्रम रविवार दि. 30 मार्च 2025 रोजी गुढीपाडव्याच्या शुभमुहूर्तावर पार पडला. गेली 49 वर्षे सुरू असलेला माघी गणेशोत्सव हे मंडळाचे मुख्य आकर्षण असून यानिमित्त वर्षभर विविध कार्यक्रमांचेही आयोजन करण्यात आले आहे.
ज्या मारुतीरायांच्या मंदिरावरून मंडळाची स्थापना झाली त्याच छोट्याशा मंदिरात रविवार दि. 30 मार्च 2025 रोजी सायं. 5 वा.च्या मंडळातील बुजुर्ग व्यक्तिमत्व कुमारशेठ आगाशे व मंडळाचे माजी कार्यवाह एल्. एस्. जोशी यांच्या हस्ते व ज्येष्ठ सभासदांच्या प्रमुख उपस्थितीत हा कार्यक्रम पार पडला. यावेळी मंडळाचे अध्यक्ष, कार्यवाह, खजिनदार सभासद व अन्य कार्यकर्ते, महिला वर्ग मोठ्या संख्येने उपस्थित होता.
