कृषी विद्यापीठाचा सल्ला
रत्नागिरी | प्रतिनिधी
प्रादेशिक हवामान केंद्र, मुंबई आणि डॉ. बाळासाहेब सावंत कोकण कृषी विद्यापीठ, दापोली यांचा इशारा :
१४, १५ व १६ सप्टेंबरला मुसळधार ते अतिमुसळधार पावसाची शक्यता.
शेतकऱ्यांनी पीकनिहाय पुढील काळजी घ्यावी :
भात (खरीप)
-
१३ सप्टेंबरपूर्वी खतांचा वापर व कीटकनाशक/बुरशीनाशक फवारणी पूर्ण करा.
-
बांध मजबूत करून शेतात ५–१० सेंमी. पाणी साठवा.
-
गवत काढून तणमुक्त ठेवा.
-
निळ्या भुंग्यासारख्या किडीवर वेळेवर लक्ष ठेवा, पावसाची उघडीप मिळाल्यावरच फवारणी करा.
नागली / वरी (खरीप)
-
मुसळधार पावसामुळे साचलेले पाणी त्वरित काढून टाका.
नारळ
-
१३ सप्टेंबरपूर्वी खत व कीटकनाशकांची फवारणी करा.
-
बागेत पाण्याचा निचरा होईल याची काळजी घ्या.
-
कोंब कुज रोगावर पावसाची उघडीप मिळाल्यावर १% बोर्डो मिश्रणाची फवारणी करा.
आंबा / काजू
-
१३ सप्टेंबरपूर्वी फवारणी पूर्ण करा.
-
नवीन लागवडीच्या रोपांच्या बुंध्यात पाणी साचू देऊ नका.
-
फांदीमऱ्यावर कॉपर ऑक्सीक्लोराइड किंवा ०.१% बोर्डो मिश्रण फवारावे.
सुपारी
-
खतांचा पहिला हप्ता (सेंद्रिय + रासायनिक) द्या.
-
बागेत निचरा करा, बुंध्यात पाणी साचू देऊ नका.
-
कोळेरोगावरील नियंत्रणासाठी पानांच्या बेचक्यात १% बोर्डो मिश्रण फवारावे.
हळद
-
मुसळधार पावसाचा अंदाज असल्याने निचऱ्याची व्यवस्था करा.
-
करपा रोगावर प्रोपीकोनॅझोल १० मि. प्रती १० लिटर पाणी फवारावे (१५–२० दिवसांच्या अंतराने).
भाजीपाला (वेलीवर येणारे)
-
मुसळधार पावसाचा अंदाज असल्याने पाणी निचरा करा.
-
फळमाशीवर नियंत्रणासाठी प्रत्येक एकरी २ “क्यु लुर” सापळे लावा.
-
पर्णकरपा रोगावर मॅन्कोझेब / झायनेब २.५ ग्रॅ. प्रती लिटर पाण्यात फवारणी करा.
पशुपालन
-
वीजांचा लखलखाट व पाऊस होताना जनावरे झाडाखाली न ठेवता गोठ्यात बांधा.
-
लंपी स्किन डिसीज दिसल्यास पशुवैद्यांच्या मार्गदर्शनाखालीच उपचार करा.
फवारण्या पावसाची उघडीप मिळाल्यावरच घ्याव्यात व द्रावणात ‘स्टिकर’ (गचकटणारा पदार्थ) मिसळल्यास परिणामकारकता वाढते.
