माजी उपमुख्यमंत्री दयानंद नार्वेकर यांच्या हस्ते गौरव
लांजा | प्रतिनिधी : न्यू इंग्लिश स्कूल लांजाचे क्रीडा शिक्षक रवीद्र वासुरकर यांना पणजी गोवा येथे पार पडलेल्या शानदार सोहळ्यात माजी उपमुख्यमंत्री दयानंद नार्वेकर यांच्या हस्ते भारत क्रीडाभूषण सन्मान पुरस्काराने गौरविण्यात आले.
रवींद्र वासुरकर यांनी यांना क्रीडा क्षेत्रातील अतुलनीय आशा योगदानाबद्दल नेहरू युवा केंद्र पणजी आणि किल्ले पर्यटन महोत्सव सेवा संशोधन केंद्र सिंधुदुर्ग यांच्या वतीने दिला जाणारा मानाचा भारत क्रीडा भूषण सन्मान २०२३ पुरस्कार जाहीर झाला होता. पणजी येथील कला व संस्कृती संचालनालय भवन सभागृह पाटो या ठिकाणी झालेल्या कार्यक्रमात रवींद्र वासुरकर यांना या पुरस्काराने सन्मानित करण्यात आले.
या कार्यक्रमाचे उद्घाटन गोवा सरकारचे मजूर व पुनर्भिलेख मंत्री सुभाष फळदेसाई यांच्या हस्ते झाले. यावेळी आमदार चंद्रकांत शेट्ये तसेच प्रमुख अतिथी म्हणून खासदार विनय तेंडुलकर, माजी केंद्रीय मंत्री रमाकांत खलप, माजी उपमुख्यमंत्री दयानंद नार्वेकर तसेच कला व संस्कृती संचालनालयाचे सगुण वेळीप, तसेच का उपसंचालक कालिदास घाटवळ, माजी संचालक हि..एम. प्रभूदेसाई हे मान्यवर उपस्थित होते
या पुरस्काराबद्दल रवींद्र वासुरकर यांचे तालुक्यातून अभिनंदन केले जात आहे.