माखजन:
चतुरंग प्रतिष्ठानतर्फे दिला जाणारा प्रतिष्ठेचा ‘सर्वोत्तम विद्यार्थी गोडबोले पुरस्कार’ यंदा माखजन इंग्लिश स्कूलमधील इयत्ता १० वीची विद्यार्थिनी कुमारी रिया रितेश गोटेकर हिला जाहीर झाला आहे. तिच्या या यशामुळे शाळेच्या शिरपेचात मानाचा तुरा रोवला गेला असून सर्वत्र तिचे कौतुक होत आहे.
या पुरस्कारासाठी कोकणातील ५९ शाळांमधील एकूण २४५ विद्यार्थ्यांचे ‘ग्रुप इंटरव्ह्यू’ दि. १३ व १४ डिसेंबर रोजी पार पडले. या कठीण निवड प्रक्रियेतून ३६ शाळांतील ३६ गुणवंत विद्यार्थ्यांची निवड करण्यात आली, ज्यामध्ये रियाने आपले स्थान निश्चित केले.या मुलाखतींसाठी तज्ज्ञ परीक्षक म्हणून:डॉ. प्रसाद देवधर (संस्थापक, भगीरथ संस्था)डॉ. मिलिंद गोखलेप्रा. वैभव कानिटकर (अभ्यंकर कुलकर्णी कनिष्ठ महाविद्यालय) यांनी काम पाहिले.पुरस्काराचे स्वरूप अतिशय गौरवपूर्ण असून, यामध्ये स्मृतीचिन्ह (ट्रॉफी), प्रशस्तीपत्र, १,००० रुपये रोख आणि ५०० रुपयांची पुस्तके यांचा समावेश आहे.रिया केवळ अभ्यासातच नव्हे, तर क्रीडा क्षेत्रातही अग्रेसर आहे. तिने विविध क्रीडा स्पर्धांमध्ये जिल्हा, विभाग आणि राज्य स्तरावर उत्तम कामगिरी करून शाळेचे नाव उज्ज्वल केले आहे. तिच्या याच अष्टपैलू कामगिरीची दखल या पुरस्कारासाठी घेण्यात आली आहे.हा पुरस्कार वितरण सोहळा रविवार, दि. ११ जानेवारी २०२६ रोजी सकाळी १० वाजता इंदिरा गांधी सांस्कृतिक केंद्र, चिपळूण येथे संपन्न होणार आहे.
रियाच्या या यशाबद्दल संस्थेचे अध्यक्ष किशोरकुमार साठे, उपाध्यक्ष शशिकांत घाणेकर, सचिव श्रीकांत फाटक आणि मुख्याध्यापक महादेव परब यांनी तिचे विशेष अभिनंदन केले असून पुढील वाटचालीस शुभेच्छा दिल्या आहेत.
