कणकवली : तालुक्यातील ओटव व बेळणे खुर्द या दोन ग्रामपंचायतींची सार्वत्रिक निवडणूक तर हळवल आणि वारगाव ग्रामपंचायतींच्या सदस्यांच्या प्रत्येकी एका जागेसाठी पोटनिवडणूक होत आहे. त्यासाठी ५ नोव्हेंबर रोजी मतदान होणार आहे. या निवडणुकीसाठी आठ मतदान केंद्रांवर मतदान होणार आहे. त्यामुळे शनिवारी तहसीलदार दीक्षांत देशपांडे यांच्या उपस्थितीत ईव्हीएम मशीन पोलिस बंदोबस्तात मतदान केंद्रांवर रवाना करण्यात आल्या.
कणकवली तालुक्यातील ओटव, बेळणे ग्रामपंचायत निवडणुकीसाठी प्रत्येकी तीन मतदान केंद्र आणि हळवल व वारगाव येथे प्रत्येकी एक मतदान केंद्र आहे. दोन झोनल अधिकारी, मतदान केंद्राध्यक्ष, निवडणूक अधिकारी, पोलिस असे प्रत्येक केंद्रावर पाच कर्मचारी मिळून ४० अधिकारी व कर्मचाऱ्यांची नेमणूक करण्यात आली आहे.
कणकवली तहसील कार्यालयातून शनिवारी ग्रामपंचायत निवडणूक मतदान प्रक्रियेसाठी ईव्हीएम मशीन व मतदान साहित्य निवडणूक केंद्रावर पाठवण्यात आले. यावेळी तहसीलदार दीक्षांत देशपांडे, महसूल नायब तहसीलदार शिवाजी राठोड, निवासी नायब तहसीलदार गौरी कट्टे, अव्वल कारकून सत्यवान माळवे, संभाजी खाडे, शिपाई राजेश शिलवलकर कोतवाल उपस्थित होते.
