विठ्ठल रखुमाई देवस्थानच्यावतीने विविध कार्यक्रमांना प्रतिसाद
खेड(प्रतिनिधी)तालुक्यातील मुरडे येथील श्री देव विठ्ठल रखुमाई देवस्थानच्यावतीने कार्तिकी उत्सवास बुधवारपासून प्रारंभ झाला आहे. २७ नोव्हेंबर रोजी उत्सवाची सांगता होणार आहे. यानिमित्त विविधांगी धार्मिक व सांस्कृतिक कार्यक्रमांचे आयोजन करण्यात आले आहे.
यानिमित्त दररोज काकड आरती, आरती व देवे, भजन, कीर्तन कार्यक्रमांचे आयोजन करण्यात आले
आहे.. बुधवारी आरती व देवे झाल्यानंतर रात्री मुरडे येथील गुरूप्रासादिक भजन मंडळाचे भजन व मंडणगड येथील अस्मिता सोमण यांचे कीर्तन झाले.
२३ रोजी रांगोळी स्पर्धा, महिला मंडळाचे भजन, आरती व देवे, भजन व कीर्तन होईल. २४ रोजी पौरोहित्य विलास काणे यांचे विष्णूयाग, आरती व देवे, मुरडे येथील सखी ग्रुपतर्फे गजर विठ्ठचा होईल, २५ रोजी रात्री ११ वाजेता’ स्वरनिनाद ग्रुपचा अवघा रंग एक झाला हा सांस्कृतिक कार्यक्रम होईल.
२६ रोजी श्री सत्यनारायणाची महापूजा, तुळशी विवाह, त्रिपुर व आरती छबिना व रात्री ११ वाजता रत्नागिरी येथील नारायणी भगिनी मंडळाचे साजरे करूया सण संस्कृतीचे हा कार्यक्रम होईल, २७ रोजी सायंकाळी ७ वाजता शेजारती व रात्री
वाजता महाप्रसाद होईल. या उत्सवात बहुसंख्येने सहभागी व्हावे, असे आवाहन सरपंच रोशन सिनकर, मोहन काणे, रोहित भोळे, शामसुंदर दळवी, श्रीधर जोशी यांनी केले आहे.
