नातूनगर मध्ये घरातून सिलेंडर चोरीस, अज्ञातावर गुन्हा

खेड तालुक्यातील नातूनगर येथील एका घरातून अज्ञात चोरट्याने एचपी कंपनीचा  लोगो असलेला भरलेला गॅस सिलेंडर चोरून नेल्याची विचित्र घटना २२ मार्च रोजी सकाळी ७ वाजण्याच्या सुमारास उघड झाली या प्रकरणी अज्ञात चोरट्यावर गुन्हा दाखल करण्यात आला आहे. या प्रकरणी  राजेंद्र मनोहर लोहार,वय-५८ यांनी येथील पोलीस ठाण्यात तक्रार दाखल केली आहे. लोहार हे घरात झोपले असताना अज्ञात चोरट्याने घराच्या वरंड्यामध्ये अनाधिकृत प्रवेश करुन ४०७० रुपये किमतीचा एचपी कंपनीचा भरलेला गॅस सिलेंडर चोरुन नेला.