Raj Thackeray: राज ठाकरेंचा नरेंद्र मोदींना बिनशर्त पाठिंबा, मनसैनिकांनी विधानसभेच्या तयारीला लागण्याचे आदेश
Raj Thackeray: लोकसभा निवडणुकीसाठी मनसे अध्यक्ष राज ठाकरे यांनी नरेंद्र मोदींना पाठिंबा देत असल्याची घोषणा शिवाजी पार्कवरून केली. तसेच आगामी विधानसभा निवडणुकीच्या तयारीला लागण्याचे आदेश मनसेच्या कार्यकर्त्यांना दिले.
मुंबई: महाराष्ट्र नवनिर्माण सेनेचे अध्यक्ष राज ठाकरे यांची आज शिवाजी पार्कवर झालेल्या गुढी पाडवा मेळाव्यात लोकसभा निवडणुकीत महायुतीला पाठिंबा देत असल्याचे जाहीर केले. हा पाठिंबा बिनशर्त असून तो फक्त आणि फक्त नरेंद्र मोदींसाठी असल्याचे राज ठाकरे यांनी स्पष्ट केले. यावेळी त्यांनी राज्यातील सर्व मनसैनिकांना विधानसभेच्या तयारीला लागण्याचे आदेश दिले.
