खेड (प्रतिनिधी) शहरासह भरणे परिसरात बेकायदेशीरपणे सुरू असणाऱ्या मटका जुगार अड्डड्यांवर धाडीटाकण्याचे सत्र सुरूच आहे. पोलीस निरीक्षक नितीन भोयर यांच्या नेतृत्वाखाली शुक्रवारी सायंकाळच्या
सुमारास पोलिसांनी टाकलेल्या धाडीत २,५५० रूपये व जुगाराचे साहित्य जप्त केले.
संतोष यल्लाप्पा कानापुरे (भरणे- समर्थनगर), अशोक विक्रम यादव (भरणे – बौद्धवाडी) अशी गुन्हा दाखल झालेल्यांची नावे आहेत. हे दोघेजण एका दैनिकाच्या शुभअंकावर मटका जुगाराचा खेळ खेळवत असताना दोघांनाही रंगेहाथ पकडण्यात आले. रोख रक्कमेसह जुगाराचे साहित्य पोलिसांनी हस्तगत केले.
