रत्नागिरी : गोगटे जोगळेकर महाविद्यालयाच्या (स्वायत्त) संगणकशास्त्र विभाग आयोजित राष्ट्रीय स्तरावरील’रील बॅटल’ या रील तयार करण्याच्या स्पर्धेला महाराष्ट्रातील रत्नागिरी, मुंबई, संभाजी नगर यासारख्या विविध शहरांमधून आणि शेजारच्या गोवा राज्यातून एकूण ६८ स्पर्धकांनी सहभाग घेतला. आयटी उद्योगातील भूतकाळ आणि भविष्य तंत्रज्ञान या विषयावर आधारित या स्पर्धेत विद्यार्थ्यांनी त्यांच्या सर्जनशीलता आणि तांत्रिक ज्ञानाचे उत्कृष्ट सादरीकरण केले. स्पर्धेतील सहभागी विद्यार्थ्यांनी आयटी उद्योगातील तंत्रज्ञानाच्या उत्क्रांतीचा आणि भविष्यातील बदलांचा अंदाज घेत उत्कृष्ट रील्स तयार केल्या. या स्पर्धेचा अधिक प्रभाव निर्माण करण्यासाठी सर्व रील्स संगणकशास्त्र विभागाच्या अधिकृत YouTube चॅनेल GJC COMPUTER SCIENCE वर अपलोड केल्या गेल्या, तसेच Instagram वर
@gjc_computer_science या हँडलवर शेअर केल्या गेल्या. सोशल मीडियावर या रील्सचा आनंद प्रेक्षक विनामूल्य घेऊ शकतात.
कार्यक्रमाला गोगटे जोगळेकर (स्वायत्त) महाविद्यालयाचे प्राचार्य डॉ. मकरंद साखळकर, प्रशासकीय उपप्राचार्य डॉ. पी. पी. कुलकर्णी, विज्ञान विभागाच्या उपप्राचार्य डॉ. अपर्णा कुलकर्णी, रत्नागिरी एज्युकेशन सोसायटीचे सहकार्यवाह प्रा. श्रीकांत दूदगीकर, आयटी आणि संगणकशास्त्र विभागाच्या समन्वयक प्रा. अनुजा घारपुरे, आयटी विभाग प्रमुख प्रा. मेधा सहस्रबुद्धे, आणि अभ्यंकर कुलकर्णी कनिष्ठ महाविद्यालयाचे उपप्राचार्य प्रा. सुनील गोसावी प्रमुख पाहुणे उपस्थित होते. सर्वांनी
विद्यार्थ्यांच्या उत्कृष्ट कार्याची प्रशंसा केली. पुरस्कार वितरण समारंभाचे Instagram वर थेट प्रक्षेपण करण्यात आले, ज्यामुळे
रत्नागिरीच्या बाहेरील स्पर्धकांनी घरी बसून त्यांच्या मोबाईलवर समारंभाचा आनंद घेतला. रील बॅटल च्या यशस्वी आयोजनाने सर्जनशील स्पर्धांसाठी एक नवा आदर्श निर्माण केला आहे, ज्याने माहिती तंत्रज्ञान क्षेत्रातील युवा प्रतिभांचा अभिनवतेचा उत्सव साजरा केला.
रील बॅटल स्पर्धेचा निकाल खालील प्रमाणे आहे. प्रथम क्रमांक- सचिन राठोड, गोगटे जोगळेकर महाविद्यालय; द्वितीय क्रमांक- राज गुरव, गोगटे जोगळेकर महाविद्यालय; व्हॅलेन्सियो अझावेडो, रोझरी कॉलेज ऑफ कॉमर्स अँड आर्ट्स, नेवेलिम,
गोवा; मुस्कान युनूस मेमन, डीबीजे कॉलेज, चिपळूण; तृतीय क्रमांक- सनी चौरसिया, S.S.T. कला आणि वाणिज्य महाविद्यालय, उल्हासनगर, मुंबई; मारिया समीरा किम्बर्ली डा-कोस्टा, पार्वतीबाई चौघुले कला आणि विज्ञान महाविद्यालय , गोवा आणि निखिल सूर्यकांत यादव, वसंत जोशी कला आणि वाणिज्य महाविद्यालय, झुआरीनगर, गोवा. सदर स्पर्धेचे आयोजन संगणकशास्त्र विभागाचे प्रमुख प्रा. अमोल सहस्रबुद्धे, तसेच प्राध्यापक प्रा. प्रसाद पुसाळकर आणि प्रा. सनिल सावले यांनी परिश्रमपूर्वक केले. त्यांच्या परिश्रमामुळेच स्पर्धेचे यशस्वी आयोजन होऊ शकले. विजेत्या विद्यार्थ्यांचे
महाविद्यालयाच्या सर्व स्तरांतून अभिनंदन करण्यात येत आहे.
