दळवटणे येथे शिव छत्रपतींच्या छावणीचा इतिहास होणार जिवंत

पुरातन वस्तू कशा मिळतात वा जमवाव्या लागतात याबद्दल देशपांडे यांनी मिश्किल उदाहरण दिले. देशपांडे म्हणाले, नव्या भैरीजवळ पुरातन म्हणजे सातवाहनकालीन जातं आहे, ही माहिती कळली होती. ते आणण्यासाठी उचलायला आम्ही गेलो तेव्हा तेथील एक वृद्धा आली. ती म्हणाली, जातं उचलायचं नाही. मला त्यात तुळस लावायची आहे. आम्ही त्यांना म्हटले, तुम्हाला तुळसच हवी आहे मग तुम्हाला पूर्ण नवीन वृंदावन देतो. त्यावर जाते देण्यास त्या तयार झाल्या. संग्रहालयात पुरातन रांजण, समयाही आहेत; मात्र हे सारे जमवणे ही खर्चिक बाब आहे.