१५ ते १७ सप्टेंबर रोजी ताज सिदादे दे गोवा होरायझन येथे आयोजन
पणजी, सप्टेंबर २०२५: भारतीय राष्ट्रीय उपाहारगृह संघटना (एनआरएआई) त्यांच्या ‘भारतीय रेस्टोरंट परिषद २०२५’ या वार्षिक कार्यक्रमाच्या चौथ्या आवृत्तीचे आयोजन यंदा गोव्यात करत आहे. परिषद १५-१७ सप्टेंबर २०२५ रोजी ताज सिदादे दे गोवा होरायझन येथे आयोजित केली जाईल. राष्ट्रीय तसेच आंतरराष्ट्रीय बाजारपेठेतून २०००हून अधिक प्रतिनिधी परिषदेसाठी सहभागी होणार आहेत.
गोवा पहिल्यांदाच या शिखर परिषदेचे आयोजन करणार आहे. भारतातील संघटित अन्न सेवा बाजारपेठेत गोवा १२ व्या क्रमांकावर आहे, ज्याचा अंदाजे आकार ₹ १,९४० कोटी आहे. २०२४ मध्ये नऊ दशलक्षाहून अधिक पर्यटकांना आकर्षित करणाऱ्या गोव्यात १५,१४७ रेस्टॉरंट्स आहेत, त्यापैकी ८,३३१ संघटित क्षेत्रातील आहेत.
या शिखर परिषदेला गोवा सरकारचे पर्यटन मंत्री रोहन खौंटे सन्माननीय पाहुणे म्हणून उपस्थित राहतील.
“या वर्षी आम्ही ही शिखर परिषद गोव्यात आयोजित करत आहोत कारण गोवा हा उदयोन्मुख आदरातिथ्य हब आहे, आणि गोवा भविष्यासाठी या उद्योगात नव्या संधींचे दरवाजे उघडतो,” असे एनआरएआयचे अध्यक्ष सागर दरयानी म्हणाले.
###
