सावंतवाडी प्रभाग ५ मध्ये भाजपचा जोरदार प्रचार : विजयाचा विश्वास
सावंतवाडी । प्रतिनिधी : सावंतवाडी नगरपरिषद निवडणुकीत भारतीय जनता पक्षाच्या प्रचाराने वेग घेतला असून, शहराध्यक्ष सुधीर आडीवरेकर आणि दुलारी रांगणेकर यांनी आज प्रभाग क्रमांक ५ मध्ये मतदारांच्या गाठीभेटी घेत जोरदार प्रचार केला. या प्रचारामुळे प्रभाग ५ मधील निवडणुकीचे वातावरण चांगलेच तापले आहे.
नगराध्यक्षपदाच्या उमेदवार युवराज्ञी श्रद्धाराजे भोसले यांच्यासह भाजपचे सर्व उमेदवार प्रभाग क्रमांक ५ मधून मोठ्या मताधिक्क्याने विजयी होतील, असा ठाम विश्वास यावेळी सुधीर आडीवरेकर यांनी व्यक्त केला.
जनतेसाठी जीवन समर्पित, वचनपूर्तीची जबाबदारी माझी
प्रचारादरम्यान मतदारांशी संवाद साधताना आडीवरेकर यांनी जनतेचा आपल्याला मिळत असलेल्या भरभरून पाठिंब्याबद्दल कृतज्ञता व्यक्त केली. त्यांनी जनतेला महत्त्वाची ग्वाही देताना सांगितले, “जनतेची साथ आम्हाला आहे. यापुढील माझे जीवन हे जनतेच्या सेवेसाठी समर्पित असेल.”
यावेळी त्यांनी आपल्या जबाबदारीची जाणीवही करून दिली. मतदारांना दिलेली सर्व वचने पूर्ण करण्याची जबाबदारी आपली राहील, असे स्पष्ट मत व्यक्त करत त्यांनी जनतेला भावनिक साद घातली. आडीवरेकर यांच्या या वक्तव्यामुळे प्रभाग क्रमांक ५ मधील मतदारांना भाजप उमेदवारांना निवडून देण्याचे जोरदार आवाहन करण्यात आले आहे. या सघन प्रचारामुळे आणि आडीवरेकर यांच्या व्यक्तिगत आश्वासनामुळे प्रभाग ५ मध्ये भाजपच्या बाजूने सकारात्मक वातावरण तयार होत असल्याचे चित्र आहे.
