लायन्स क्लब रत्नागिरी आयोजित, समर्थ इनव्हेस्टमेंट्स प्रायोजित जलद चालण्याची स्पर्धा; भाट्ये बीचवर २८ नोव्हेंबर रोजी रंगणार
रत्नागिरी: जागतिक मधुमेह दिनानिमित्त (१४ नोव्हेंबर) मधुमेहाबद्दल जनजागृती करण्यासाठी आणि व्यायामाचे महत्त्व अधोरेखित करण्यासाठी लायन्स क्लब रत्नागिरीने एका विशेष उपक्रमाचे आयोजन केले आहे. ‘समर्थ इनव्हेस्टमेंट्स’ यांच्या प्रायोजकत्वाने रत्नागिरी येथे WALKaTHON (जलद चालण्याची स्पर्धा) आयोजित करण्यात आली आहे.
सर्वात सोपा आणि विनाखर्चीक व्यायाम प्रकार असलेल्या ‘चालण्याचे’ महत्त्व नागरिकांपर्यंत पोहोचवण्यासाठी ही स्पर्धा आयोजित केली जात आहे. ही स्पर्धा शुक्रवार, दिनांक २८ नोव्हेंबर रोजी सकाळी ६:३० ते ८:३० या वेळेत रत्नागिरीच्या निसर्गरम्य भाट्ये बीच येथे होणार आहे.
वयोगट आणि प्रवेश: या स्पर्धेमध्ये सहभागी होण्यासाठी प्रवेश विनामूल्य (Entry Free) आहे. नागरिकांना प्रोत्साहन देण्यासाठी विविध वयोगट निश्चित करण्यात आले आहेत:
महिलांसाठी (४० वर्षांवरील)
पुरूष (४०+ वयोगट)
पुरूष (५०+ वयोगट)
पुरूष (६०+ वयोगट)
पुरस्कार व सन्मान: स्पर्धेतील विजयी स्पर्धकांना आकर्षक ट्रॉफी आणि प्रमाणपत्र देऊन गौरविण्यात येणार आहे. तसेच, स्पर्धेत सहभागी होणाऱ्या प्रत्येक नागरिकाला सहभाग प्रमाणपत्र (Participation Certificate) दिले जाईल.
आरोग्य आणि यशासाठी चालूया, होऊया समर्थ हे घोषवाक्य घेऊन आयोजित केलेल्या या स्पर्धेत रत्नागिरीकर नागरिकांनी मोठ्या संख्येने सहभागी व्हावे, असे आवाहन स्पोर्ट्स कमिटी चेअरमन लायन डॉ. सचिन पानवलकर आणि अध्यक्ष लायन संजय पटवर्धन यांनी केले आहे. ‘चालत रहा….. निरोगी रहा….’ असा संदेश लायन्स क्लबने दिला आहे.
अधिक माहितीसाठी संपर्क:
लायन संजय पटवर्धन: ८४११८८८२३३
लायन शरद नागवेकर: ९४२००५२५२५
लायन मनोज सावंत: ७०२०८३११८८
लायन प्रिया थेटे: ९९२२४१६०७६
श्री अनिरुद्ध थेटे: ९२२६८०३६९०
