कुडाळच्या विद्यार्थ्यांनी पटकावली १४ सुवर्ण आणि ५ रौप्य पदके
‘बेस्ट कराटे क्लास’चा मानही कुडाळला!
कुडाळ । प्रतिनिधी : मीरा-भायंदर येथे वंजारी ब्रँचच्या वतीने आयोजित करण्यात आलेल्या १७ व्या ऑल इंडिया शोतो कप कराटे स्पर्धेत कुडाळच्या विद्यार्थ्यांनी आपल्या कौशल्याच्या जोरावर घवघवीत यश संपादन केले आहे. या स्पर्धेत कुडाळ कराटे क्लासच्या विद्यार्थ्यांनी एकूण १४ सुवर्ण आणि ५ रौप्य पदके पटकावत ‘बेस्ट कराटे क्लास’ची मानाची ट्रॉफी आपल्या नावावर केली.
या स्पर्धेचे आयोजन शिहान सुधीर वंजारी (७ वी डिग्री ब्लॅक बेल्ट) यांच्या मार्गदर्शनाखाली करण्यात आले होते. स्पर्धेत राज्यभरातून सुमारे १५० ते २०० विद्यार्थ्यांनी सहभाग नोंदवला होता. ‘काता’ आणि ‘कुमिते’ अशा दोन प्रकारात ही स्पर्धा पार पडली.
विजेत्या विद्यार्थ्यांची कामगिरी:
कुडाळच्या खालील विद्यार्थ्यांनी आपल्या वयोगटात पदकांची लयलूट केली:
दिव्यांगी कुलकर्णी: काता (सुवर्ण), कुमिते (सुवर्ण) व ट्रॉफी.
दुर्वांकुर घाडी: काता (सुवर्ण), कुमिते (सुवर्ण) व ट्रॉफी.
उपेंद्र पवार: काता (सुवर्ण), कुमिते (सुवर्ण), खुला गट (रौप्य) व ट्रॉफी.
मैत्रेय प्रभू: काता (सुवर्ण), कुमिते (सुवर्ण).
परिधी खोत: काता (सुवर्ण), कुमिते (सुवर्ण).
पार्थ पवार: काता (सुवर्ण), कुमिते (सुवर्ण).
प्रांजल पवार: काता (सुवर्ण), कुमिते (सुवर्ण).
पूर्वी सिद्धेश कुबल: काता (रौप्य), कुमिते (रौप्य).
सर्वेश गावकर: काता (रौप्य), कुमिते (रौप्य).
विद्यार्थ्यांच्या या यशात कराटे प्रशिक्षक अशफाक शेख (२ री डिग्री ब्लॅक बेल्ट) यांचे मोलाचे मार्गदर्शन लाभले. विद्यार्थ्यांनी मिळवलेल्या या यशाबद्दल त्यांचे सर्व स्तरातून कौतुक होत आहे.
