सावंतवाडी । प्रतिनिधी : कोलगाव मारुती मंदिरच्यामागे काही अंतरावर असलेल्या शेत विहिरीत एका महिलेचा मृतदेह आढळून आला आहे. काजल राजन कुंभार ( ४३, रा. कोलगाव कुंभारवाडी ) असे तिचे नाव असून ती शुक्रवारी दुपारपासून बेपत्ता होती. तिचा शोध सुरू होता. त्यानंतर शनिवारी दुपारी तिचा मृतदेह या शेत विहिरीत निदर्शनास आला. याबाबतची खबर तिचे दीर दीपक कुंभार यांनी सावंतवाडी पोलिसात दिली असून पोलीस घटनास्थळी दाखल झाले आहेत. दरम्यान तिचा मृत्यू अपघाताने झाला की आत्महत्या याबाबत तपास सुरू आहे.
