‘ब्लू मून’मुळे चंद्र निळा दिसणार का?
येत्या 31 मे 2026 रोजी आकाशात दुर्मिळ मानली जाणारी ‘ब्लू मून’ ही खगोलीय घटना पाहायला मिळणार आहे. अनेकांना या नावामुळे चंद्र निळ्या रंगाचा दिसेल असा समज होतो, मात्र प्रत्यक्षात चंद्र नेहमीप्रमाणेच पांढरा आणि तेजस्वी दिसणार आहे. ही घटना भारतासह जगातील अनेक भागांतून स्पष्टपणे पाहता येणार आहे. खगोलप्रेमींसाठी हा एक खास अनुभव ठरणार आहे. त्यामुळे या दुर्मिळ पूर्णिमेबाबत नागरिकांमध्ये उत्सुकता वाढली आहे.
मुंबई : येत्या 31 मे 2026 रोजी आकाशात दुर्मिळ खगोलीय घटना घडणार असून तिला ‘ब्लू मून’ असे म्हटले जाते. या नावामुळे अनेकांना चंद्र निळ्या रंगाचा दिसेल असे वाटते, परंतु प्रत्यक्षात तसे नसते. हा चंद्र इतर सामान्य पौर्णिमेप्रमाणेच पांढरा आणि चमकदार स्वरूपात दिसणार आहे.
खगोलशास्त्रानुसार, एका महिन्यात दोन वेळा पौर्णिमा आल्यास दुसऱ्या पौर्णिमेला ‘ब्लू मून’ असे संबोधले जाते. ही घटना क्वचितच घडत असल्यामुळे तिला विशेष महत्त्व दिले जाते. त्यामुळे जगभरातील खगोलप्रेमींमध्ये या घटनेबाबत मोठी उत्सुकता पाहायला मिळत आहे.
भारतामधूनही पाहता येणार दुर्मिळ दृश्य
ही खगोलीय घटना भारतातूनही स्पष्टपणे पाहता येणार आहे. हवामान स्वच्छ असल्यास नागरिकांना रात्रीच्या वेळी आकाशात तेजस्वी पूर्णिमा पाहण्याचा आनंद घेता येईल. यासाठी कोणत्याही विशेष उपकरणांची आवश्यकता नसून सामान्य डोळ्यांनीही हा नजारा अनुभवता येणार आहे.
दरम्यान, सोशल मीडियावर या घटनेबाबत विविध चर्चा सुरू असून अनेक जण या दुर्मिळ पूर्णिमेची आतुरतेने वाट पाहत आहेत. खगोल अभ्यासकांच्या मते, अशा घटना विज्ञान आणि अवकाशाबद्दल लोकांमध्ये अधिक आकर्षण निर्माण करतात.
