देवगड तालुक्यातील सुप्रसिद्ध कीर्तनकार व निवृत्त प्राथमिक शिक्षक शरदचंद्र मनोहर सातवळेकर यांचे वृद्धापकाळाने निधन झाले. निधनसमयी त्यांचे वय ८५ वर्षे होते.
सामाजिक विषयांवर प्रभावी कीर्तन करून जनजागृती करणारे कीर्तनकार म्हणून सातवळेकर गुरुजी यांची देवगड तालुक्यासह परिसरात विशेष ओळख होती. माध्यमिक शिक्षक म्हणून दीर्घकाळ सेवा बजावल्यानंतर ते काही वर्षांपूर्वी सेवानिवृत्त झाले होते. निवृत्तीनंतर ते देवगड तालुक्यातील वाडा येथे आपल्या कुटुंबासमवेत वास्तव्यास होते.
त्यांच्या पश्चात पत्नी, मुलगा छोटू उर्फ विश्वजीत, मुली, सुना तसेच नातवंडे असा परिवार आहे.
त्यांच्यावर आज, गुरुवार दि. ९ जुलै, रोजी सकाळी ११ वाजता वाडा येथे अंत्यसंस्कार करण्यात येणार आहेत.
