खेड (प्रतिनिधी)
काम बंद आंदोलनामुळे खेड नगर परिषद मधील प्रशासकीय कामे ठप्प झाली मंगळवारी खेड नगर परिषद मधील सर्व कर्मचाऱ्यांनी काम बंद आंदोलन सुरू केले त्यामुळे. पाणी पुरवठा विभाग व अग्नीशमन वगळता सर्व विभागाची कामे ठप्पे झाली.
न.प./ न.पं. कर्मचारी संवर्ग कर्मचारी यांचे विविध मागण्यांसाठी मंगळवारी काम बंद आंदोलन सुरू केले आहे. राज्यातील नगर परिषद व नगर पंचायत कर्मचाऱ्यांचे वर्षानुवर्षे अनेक विविध मागण्या प्रलंबित आहेत. विविध समस्या कर्मचाऱ्यांना भेडसावत आहेत. मात्र, त्या वर्षानुवर्षे सुटत नसल्या कारणाने शेवटी महाराष्ट्र राज्य न.प./ न.पं. कर्मचारी संवर्ग कर्मचारी संघर्ष समितीने कामबंद आंदोलनाचे हत्यार उपसले आहे. त्यानंतर लॉंग मार्च व शेवटी प्राणांतिक उपोषण अशा पद्धतीने टप्या टप्प्याने कर्मचारी या आंदोलनात सहभागी होणार आहेत.
