जिजाऊ महिला संस्थेच्या अध्यक्षा सौ. निलमताई राणे, गोव्याचे मुख्यमंत्री प्रमोद सावंत यांच्या पत्नी सुलक्षणा सावंत तसेच भाजपा महिला जिल्हाध्यक्ष सौ. श्वेता कोरगावकर करणार मार्गदर्शन
तालुक्यातील मोठ्या संख्येने महिलांनी उपस्थित राहावे : प्राची तावडे यांचे आवाहन
वैभववाडी l प्रतिनिधी : विधानसभा निवडणुकीच्या पार्श्वभूमीवर कणकवली, देवगड व वैभववाडी मतदारसंघाचे महायुतीचे उमेदवार नितेश राणे यांच्या प्रचारार्थ वैभववाडी येथे 11 नोव्हेंबर रोजी सकाळी 11 वाजता भव्य महिला मेळाव्याचे आयोजन करण्यात आले आहे. वैभववाडी भाजपा कार्यालय समोरील पटांगणावर हा मेळावा संपन्न होणार आहे. सिंधुदुर्ग जिजाऊ महिला संस्थेच्या अध्यक्षा सौ नीलमताई राणे यांच्या अध्यक्षतेखाली या मेळाव्याचे आयोजन करण्यात आले आहे.
याप्रसंगी गोव्याचे मुख्यमंत्री प्रमोद सावंत यांच्या पत्नी, भाजपा प्रभारी, महिला मोर्चा संयोजिका सुलक्षणा प्रमोद सावंत, भाजपा महिला मोर्चा जिल्हाध्यक्ष श्वेता कोरगावकर, तसेच महिला पदाधिकारी उपस्थित राहून मार्गदर्शन करणार आहेत.
तरी वैभववाडी तालुक्यातील महिला मोर्चा महिला पदाधिकारी, महिला आजी-माजी लोकप्रतिनिधी, महिला बुथ अध्यक्ष, महिला भगिनी व युवती यांनी मोठ्या संख्येने उपस्थित राहावे असे आवाहन वैभववाडी भाजपा महिला मोर्चा अध्यक्षा प्राची तावडे यांनी केले आहे.
