चिपळूण (प्रतिनिधी):– रिगल सीबीएसई स्कूलमध्ये घेण्यात आलेल्या आंतरराष्ट्रीय स्तरावरील एसओएफ जनरल नॉलेज (GK) या स्पर्धा परीक्षेमध्ये कु. श्रीश करगुटकर या गुणवंत विद्यार्थ्याने अत्यंत उल्लेखनीय व अभिमानास्पद यश संपादन केले आहे. जगभरातील अनेक लाखो वि‌द्यार्थ्यांनी सहभाग घेतलेल्या या प्रतिष्ठित स्पर्धेत श्रीशने आपली बुद्धिमत्ता, व्यापक ज्ञानसंपदा आणि सातत्यपूर्ण मेहनतीच्या जोरावर आंतरराष्ट्रीय मेरिट लिस्टमध्ये मानाचे स्थान मिळवले आहे. हे यश केवळ विद्यार्थ्यापुरते मर्यादित नसून शाळा, परिसर व संपूर्ण शैक्षणिक क्षेत्रासाठी गौरवास्पद ठरत आहे.
सायन्स ऑलिम्पियाडमधील जनरल नॉलेज स्पर्धा ही विद्यार्थ्यांच्या सर्वांगीण ज्ञानाची कसोटी पाहणारी मानली जाते. या परीक्षेमध्ये चालू घडामोडी, विज्ञान व तंत्रज्ञान, इतिहास, भूगोल, पर्यावरण, तर्कशक्ती, विश्लेषणात्मक विचार, तसेच जागतिक घडामोडी यांचा समावेश असतो. केवळ पाठांतरावर अवलंबून न राहता विचारक्षमतेची व आकलनशक्तीची परीक्षा घेणाऱ्या या स्पर्धेत उत्कृष्ट गुण मिळवणे हे मोठे आव्हान मानले जाते. अशा कठीण स्पर्धेत आंतरराष्ट्रीय स्तरावर मेरिटमध्ये स्थान मिळवणे ही अत्यंत गौरवाची बाब आहे.
या नेत्रदीपक यशामागे वि‌द्यार्थ्याची सातत्यपूर्ण मेहनत, अभ्यासातील शिस्त, वेळेचे योग्य नियोजन आणि शाळेतील विज्ञान विषय शिक्षिका भाग्यश्री मुणगेकर यांचे मार्गदर्शन महत्त्वाचे ठरले आहे. रिगल सीबीएसई स्कूलमध्ये नेहमीच विद्यार्थ्यांना नियमित वाचन, चालू घडामोडींवर लक्ष, विविध संदर्भग्रंथांचा अभ्यास आणि सराव प्रश्नसंच सोडवणे या सवयी स्पर्धा परीक्षांची तयारी करून घेण्यासाठी लावल्या जातात. विद्यार्थ्यांच्या बौ‌द्धिक क्षमता वाढीसाठी व वि‌द्यार्थ्यांमधील सुप्त कलागुण विकसित करण्यासाठी अनेक उपक्रम घेतले जातात. यामुळेच हे यश शक्य झाले आहे. डॉक्टर, इंजिनिअर क्षेत्रात जाण्यासाठी आवश्यक असणारा फाऊंडेशन कोर्सदेखील तज्ज्ञ शिक्षकांच्यामार्फत घेतला जातो. सकारात्मक शालेय वातावरणामुळे वि‌द्यार्थ्यांचा आत्मविश्वास अधिक बळकट होतो. सायन्स ऑलिम्पियाडमधील हे आंतरराष्ट्रीय यश शिक्षणक्षेत्रासाठी प्रेरणादायी ठरत असून, मेहनत, चिकाटी आणि योग्य संधी मिळाल्यास भारतीय विद्यार्थी जागतिक स्तरावर आपला ठसा उमटवू शकतात, हे पुन्हा एकदा सिद्ध झाले आहे.
आंतरराष्ट्रीय स्तरावर मिळवलेले हे यश इतर विद्यार्थ्यांसाठी प्रेरणादायी ठरत आहे. ग्रामीण भागातील विद्यार्थी शाळेतील योग्य मार्गदर्शन, मेहनत आणि आत्मविश्वासाच्या जोरावर जागतिक पातळीवर यश मिळवू शकतात, हे या यशातून स्पष्ट झाले आहे. स्पर्धा परीक्षांची तयारीही रिगल सीबीएसई स्कूलमध्ये करून घेतली जाते. केवळ गुण नव्हे तर ज्ञानवृद्धी महत्त्वाची असल्याचा संदेशही या यशामुळे मिळत आहे.
रिगल सीबीएसई स्कूलमध्ये विविध प्रकारचे उपक्रम राबवले जातात. योगामध्ये रिगलची विद्यार्थिनी सलोनी शिर्के हिने राष्ट्रीय पातळीवर उत्तुंग यश मिळविले आहे. क्रीडा, अभ्यास, स्पर्धापरीक्षा यासाठी अनेक उज्जवल भवितव्य असणारे विद्यार्थी येथे घडत आहेत. शाळेतील अनुभवी शिक्षकवर्ग, शिस्तबद्ध अभ्यासपद्धती, वैयक्तिक मार्गदर्शन, आधुनिक शिक्षणपद्धती आणि विद्यार्थ्यांच्या सर्वांगीण विकासावर दिला जाणारा भर शाळेत केवळ पाठ्यपुस्तकांपुरते शिक्षण न देता स्पर्धा परीक्षा, ऑलिम्पियाड, व्यक्तिमत्त्व विकास व मूल्याधारित शिक्षणावर विशेष लक्ष दिले जाते. या यशामुळे रिगल सीबीएसई स्कूल ही शाळा गुणवत्तेची हमी देणारी, विद्यार्थ्यांच्या उज्ज्वल भवितव्यासाठी कटिबद्ध असलेली शाळा असल्याचे पुन्हा एकदा सिद्ध झाले आहे. वि‌द्यार्थ्याच्या शैक्षणिक वाटचालीला नवी दिशा मिळून भविष्यात आणखी उच्च पातळीवर यश संपादन करण्याचा आत्मविश्वास वि‌द्यार्थ्यांमध्ये निर्माण झाला आहे.
श्रीशला मिळालेल्या या उत्तुंग यशाब‌द्दल रिगल एज्युकेशन सोसायटीचे अध्यक्ष संजय शिर्के संचालिका डॉ. सौ. सुमिता शिर्के मॅडम, संचालक मंडळ, शाळा सल्लागार समिती मंडळ, समन्वयक सौ. अमृता इदाते मॅडम, शाळेचे मुख्याध्यापक तसेच सर्व शिक्षकांनी श्रीशचे अभिनंदन केले असून त्याला उज्ज्वल शैक्षणिक वाटचालीस शुभेच्छा दिल्या आहेत. पालकांनीही समाधान व्यक्त करत या यशामागे सातत्यपूर्ण अभ्यास आणि शिक्षकांचे मार्गदर्शन असल्याचे सांगितले. या उल्लेखनीय यशामुळे इतर विद्यार्थ्यांनाही प्रेरणा मिळाली असून रिगल सीबीएसई स्कूलच्या शैक्षणिक गुणवत्तेत भर पडली आहे.
