रत्नागिरी : महाराष्ट्र राज्य माध्यमिक व उच्च माध्यमिक शिक्षण मंडळामार्फत घेण्यात येणारी माध्यमिक शालांत प्रमाणपत्र परीक्षा (इयत्ता दहावी) लेखी परीक्षा 20 फेब्रुवारी 2026 ते 18 मार्च 2026 या कालावधीत व उच्च माध्यमिक शालांत प्रमाणपत्र परीक्षा (इयत्ता बारावी) लेखी परीक्षा 10 फेब्रुवारी 2026 ते 18 मार्च 2026 या कालावधीत होणार आहेत. परीक्षा कालावधीत परीक्षेच्या दिवशी 10 फेब्रुवारी 2026 ते 18 मार्च 2026 रोजी परीक्षा केंद्राच्या 100 मीटर परिसरात सकाळी 9 ते सायंकाळी 7 वाजेपर्यंत प्रतिबंधात्मक आदेश अपर जिल्हादंडाधिकारी चंद्रकांत सूर्यवंशी यांनी लागू केले आहेत.
इयत्ता दहावी लेखी परीक्षा जिल्ह्यातील एकूण 73 परीक्षा केंद्रावर व इयत्ता बारावीची लेखी परीक्षा जिल्ह्यातील एकूण 38 परीक्षा केंद्रावर 10 फेब्रुवारी 2026 ते 18 मार्च 2026 या कालावधीत होणार आहे.
भारतीय नागरिक सुरक्षा संहिता 2023 चे कलम 163 प्रमाणे प्राप्त झालेल्या अधिकारान्वये परीक्षा केंद्राच्या 100 मीटर परिसरात परीक्षेच्या कालावधीत कायदा व सुव्यवस्था अबाधित राहण्यासाठी तसेच परीक्षा सुरळीत पार पाडण्यासाठी परीक्षेच्या दिवशी 10 फेब्रुवारी 2026 ते 18 मार्च 2026 रोजी परीक्षा केंद्राच्या 100 मीटर परिसरात सकाळी 9 ते सायंकाळी 7 वाजेपर्यंत प्रतिबंधात्मक आदेश अपर जिल्हादंडाधिकारी चंद्रकांत सूर्यवंशी यांनी लागू केले आहेत.
या आदेशानुसार…
परीक्षेचे वेळापत्रक आणि व्याप्ती
-
बारावी परीक्षा: १० फेब्रुवारी २०२६ ते १८ मार्च २०२६ (३८ केंद्रे)
-
दहावी परीक्षा: २० फेब्रुवारी २०२६ ते १८ मार्च २०२६ (७३ केंद्रे)
-
वेळ: सकाळी ९:०० ते सायंकाळी ७:०० वाजेपर्यंत निर्बंध लागू राहतील.
प्रमुख निर्बंध (१०० मीटर परिसरात)
परीक्षा केंद्राच्या १०० मीटर परिघात खालील गोष्टींवर कडक बंदी असेल:
-
व्यवसाय बंद: झेरॉक्स सेंटर, एसटीडी बूथ, टायपिंग सेंटर आणि ध्वनीक्षेपक (Loudspeakers) पूर्णपणे बंद राहतील.
-
इलेक्ट्रॉनिक उपकरणे: मोबाईल फोन, फॅक्स, ई-मेल किंवा इतर कोणतीही प्रसार माध्यमे केंद्रात नेण्यास सक्त मनाई आहे.
-
प्रवेश बंदी: अनधिकृत व्यक्ती आणि वाहनांना केंद्राच्या परिसरात प्रवेश मिळणार नाही.
-
शिस्त: शांततेचा भंग होईल असे कोणतेही कृत्य करण्यास सक्त मनाई आहे.
उल्लंघन केल्यास काय होईल?
जर कोणी या आदेशांचे उल्लंघन केले, तर त्यांच्यावर भारतीय न्याय संहिता २०२३ च्या कलम २२३ नुसार कायदेशीर कारवाई आणि शिक्षा होऊ शकते.
महत्त्वाची टीप: हे नियम परीक्षा केंद्रावर कार्यरत असलेले अधिकारी, कर्मचारी आणि पोलीस यांना त्यांच्या कर्तव्यासाठी लागू नाहीत; मात्र त्यांनाही कोणत्याही प्रकारचे गैरप्रकार करण्यास सक्त मनाई करण्यात आली आहे.
या आदेशाची जो अवमान्यता करील तो भारतीय न्याय संहिता, 2023 चे कलम 223 प्रमाणे शिक्षेस पात्र राहील.
