महिपालपूरमध्ये प्रीमियम दराने विक्रीचा प्रकार उघड
घरगुती व व्यावसायिक सिलिंडरचा मोठा साठा जप्त
दक्षिण-पश्चिम दिल्लीतील महिपालपूर परिसरात एलपीजी सिलिंडरची साठेबाजी करून ती प्रीमियम दराने विक्री करण्याचा प्रकार उघडकीस आला आहे. या प्रकरणी पोलिसांनी तिघांना अटक केली असून मोठ्या प्रमाणात सिलिंडर जप्त करण्यात आले आहेत. आरोपी बिहारमधील असून ते दिल्लीत वास्तव्यास होते. पोलिसांनी घरगुती आणि व्यावसायिक अशा दोन्ही प्रकारचे सिलिंडर जप्त केले आहेत. या प्रकरणाचा पुढील तपास सुरू आहे.
दिल्ली : दक्षिण-पश्चिम दिल्लीतील महिपालपूर परिसरात एलपीजी सिलिंडरचा साठा करून प्रीमियम दराने विक्री केल्याप्रकरणी तिघांना अटक करण्यात आली आहे. ही कारवाई रविवारी (२२ मार्च २०२६) करण्यात आली.
अटक करण्यात आलेल्या आरोपींची नावे कृष्णा (३३), दिनेश साहू (४६) आणि मिथिलेश (३९) अशी असून ते तिघेही मुळचे बिहारचे रहिवासी आहेत. मात्र ते सध्या दिल्लीत वास्तव्यास होते, अशी माहिती पोलिसांनी दिली.
या कारवाईदरम्यान पोलिसांनी ५४ भरलेले आणि १६ वापरलेले घरगुती सिलिंडर तसेच ३ भरलेले आणि १ वापरलेला व्यावसायिक सिलिंडर असा मोठा साठा जप्त केला आहे.
पोलिसांच्या तपासात आरोपी सिलिंडरचा साठा करून ते जास्त दराने विक्री करत असल्याचे उघड झाले आहे. या प्रकरणी पुढील तपास सुरू असून साठेबाजीमागील संपूर्ण नेटवर्क शोधण्याचा प्रयत्न केला जात आहे.
