खोपोली/राज साळुंके
मुंबई – पुणे एक्सप्रेस वे वर 17 जून पहाटे सुमारास दोन वेगवेगळे अपघात झाले असून या अपघातात दोन जणांचा जागीच मृत्यू झाला असून अन्य चार जण गंभीर जखमी झाल्याने जखमींना तात्काळ एमजीएम रुग्णालयात उपचारासाठी दाखल करण्यात आले.
मुंबई – पुणे एक्सप्रेस रोड दररोज लहान-मोठे अपघात घडत असल्याने या अपघाताला आळा बसावा म्हणून वेगवेगळ्या उपाययोजना राबवण्यात आल्या असल्या तरी याठिकाणी अपघाताची मालिका थांबता थांबेनसी झाली असता दररोज लहान मोठे दररोज अपघात घडत असल्याने हा मार्ग अपघाताचा मार्ग म्हणून ओळखला जात असताना मंगळवार 17 जून पहाटेच्या सुमारास दोन अपघात घडत या अपघातामध्ये दोन जण ठार झाल्याने अनेक जण हळहळ व्यक्त करत आहेत.
पहिला अपघात
मुंबई लेनवर भाताण बोगद्या जवळ बसचा टायर पंक्चर झाल्याने टायर बदलण्याचे काम सुरु असताना बसमधील काही प्रवासी चालकाला मदत करण्यासाठी खाली उतरले असता यावेळी मागून आलेल्या पिकअप गाडीने त्याला जोरदार धडक दिल्याने यात एकाचा मृत्यू झाला असून पिकअप मधील तीन जण गंभीर जखमी झाल्याने हा अपघात पहाटे 4 वाजण्याच्या सुमारास घडला असता जखमींना तत्काळ उपचारासाठी एमजीएम रुग्णालयात दाखल करण्यात आले असून पिकअपच्या चालकाची प्रकृती चिंताजनक आहे. तर हा अपघात खालापूर पोलीस ठाण्याच्या हद्दीत घडल्याने या घटनेचा पुढील अधिक तपास खालापूर पोलीस करत आहेत
दुसरा अपघात
तसेच दुसरा अपघात पुणे लेन झाला असून गॅस टँकर वाहून नेणाऱ्या टॅकरला ट्रेलरने धडक दिली असता यात एकाचा जागीच मृत्यू झाला. तर या अपघातात टँकरचा चालक किरकोळ जखमी झाला असून या अपघाताचा पुढील तपास खालापूर पोलीस करत आहेत.
