मुंबई : कोकणातील सर्वात मोठा आणि महत्त्वाचा गणपती उत्सव अवघ्या काही महिन्यांवर येऊन ठेपला आहे. या पार्श्वभूमीवर, कोकण रेल्वेने गणपती उत्सवासाठी जाहीर केलेल्या विशेष गाड्यांच्या आरक्षणाला लवकरच सुरुवात होणार असल्याची घोषणा केली आहे.
गणपती उत्सवासाठी घोषित केलेल्या खालील विशेष गाड्यांसाठी दि. ०३/०८/२०२५ पासून सर्व प्रवासी आरक्षण प्रणाली (PRS) केंद्रे, इंटरनेट आणि आयआरसीटीसी (IRCTC) वेबसाइट्सवर आरक्षण उपलब्ध होणार आहे:
* गाडी क्रमांक ०११३२ सावंतवाडी रोड – लोकमान्य टिळक (T) विशेष (द्विसाप्ताहिक)
* गाडी क्रमांक ०१००४ मडगाव जंक्शन – लोकमान्य टिळक (T) साप्ताहिक विशेष
प्रवाशांनी या सेवांचा लाभ घ्यावा, असे आवाहन कोकण रेल्वेने केले आहे.
अधिक माहितीसाठी:
या विशेष गाड्यांच्या थांब्यांच्या आणि वेळापत्रकाच्या सविस्तर माहितीसाठी प्रवाशांनी www.enquiry.indianrail.gov.in या संकेतस्थळाला भेट देण्याचे आवाहन करण्यात आले आहे.
