चिपळूण (संतोष सावर्डेकर)–: वालावलकर रुग्णालयात काचबिंदूचे उपचार करण्यात येत असुन, नुकतीच एक शस्त्रक्रीया रुग्णालयात पार पडली. काचबिंदू व मोतीबिंदू साठी एकत्रितपणे ही शस्त्रक्रिया करण्याचे ठरवण्यात आले. ही शस्त्रक्रिया अत्यंत अवघड व गुंतागुंतीची असल्यामुळे वालावलकर रुग्णालयात येणाऱ्या सर्वात अनुभवी अशा नेत्र शल्यचिकित्सक डॉ. निर्मला सरपोतदार यांनी ही शस्त्रक्रिया यशस्वीरित्या पार पाडली. त्यांना नेत्र शल्यचिकित्सक डॉ. सागर पाटील यांनी सहकार्य केले. काचबिंदू व मोतीबिंदू ची शस्त्रक्रिया ही अत्याधुनिक अशा फेको पद्धतीने करण्यात आली.
काचबिंदू उपचाराच्या वेगवेगळ्या पद्धती असतात. त्यामध्ये औषधांचे ड्रॉप लेझर व शस्त्रक्रिया या सर्व उपचार पद्धती वालावलकर रुग्णालयात उपलब्ध आहेत. सदरहू पेशंट हा काचबिंदू मुळे त्रस्त होता. या रुग्णाला सतत डोळा वारंवार लाल होणे व दुखणे त्याचबरोबर डोके दुखणे हा त्रास होत होता. हा रुग्ण वालावलकर रुग्णालयात उपचार घेण्याकरिता आला. त्याच्या सर्व चाचण्या केल्या नंतर असे लक्षात आले की, पेशंटला काचबिंदू व मोतीबिंदू असे दोन्हीही आजार झालेले लक्षात आले. हा त्रास डोळ्याचा दाब वाढल्यामुळे होत होता. काचबिंदूसाठी व मोतीबिंदू साठी एकत्रितपणे शस्त्रक्रिया करण्याचे ठरवण्यात आले. ही शस्त्रक्रिया अत्यंत अवघड व गुंतागुंतीची असल्या मुळे वालावलकर रुग्णालयात येणाऱ्या सर्वात अनुभवी अशा नेत्र शल्यचिकित्सक डॉ. निर्मला सरपोतदार यांनी ही शस्त्रक्रिया यशस्वीरित्या पार पाडली.
काचबिंदू म्हणजे काय ?
काचबिंदू हा आजार डोळ्यांच्या मागच्या नसेवर परिणाम करतो. या आजारामध्ये डोळ्याचा दाब हा वाढलेला असतो. साधारणता या वाढलेल्या दाबामुळे संपूर्ण डोळ्यावरती परिणाम होतो. मुख्यतः डोळ्याच्या नसेला परिणाम दिसतो. त्यामुळे डोळ्याची नस कमजोर होऊन सुकून जाते व रुग्णाला अंधत्व येते.
त्यासाठी काय काळजी घ्यावी?
रुग्णांनी वरील लक्षणे आढळल्यास तात्काळ नेत्र विभागाला भेट देऊन सर्व चाचण्या करून घेणे गरजेचे आहे. काचबिंदू च्या वेगवेगळ्या चाचण्या टोनोमेट्री, पेरिमेटरी आणि ओ सि टी ह्या सर्व आपल्या वालावलकर रुग्णालयात उपलब्ध आहेत. हा आजार जितक्या लवकर निदानास येईल तितका चांगला उपचार करता येतो व दृष्टी मावळण्याचे प्रमाण कमी होते.
